IBRANI 1:3 - WUKE SUSI WATTI'U AL᷊AL᷊USASSA

³ Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 1:3 Iomraidhean Croise

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

AYUB 37:22

Semakka ere wul᷊awanna nasabbangnga wuassu sawannakka, ne awawantugu Ruata naatiangnga naungngi ite.

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

MANNANASE 8:4

Ratu mammanara ringannu saṛṛaungnga; taweddu waṛṛani sumimbakka si tou!

IMAMATTA 15:15

Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu Mawu.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

MATIUS 22:24

“Iamangnga Huru,” unni mangitou, “i Musa mangngaṛṛa'a arendi: Amungkangngu sangkatou esakka mate wuṛṛu i tou tawe ana'a, tuṛṛangnge sarun ma'awingngu inawal᷊uanne udde, tadea'u maasomba papapulunna su taumata apan natete udde.

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 1:13

Tawe saran paassa Ruata nabbisara arendi su saran sangkatou mala'ekatta, “Aiana'e su samba'a uanang-Ku, ma'oman sara manga seennu Ta'u iapaasubba Si'o.”

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

IBRANI 8:1

Punnu anambon hatto indi eteudde: I ite uatahuanna Imam Wahewa apan ereudde, apan ua'ianna mammarenta su sambau ringannu Ruata Lembon Ahebal᷊anne su surga.

IBRANI 9:16

Amungkangu pia suratta pussa'a, ṛinone lai pia tatialane manungku taumata apan na'ola'a suratta udde natete.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.

2 PETRUS 1:17

I yami poiaroddi su tempo i Tou niaddatanna wuṛṛu niwantuhannu Ruata Iamangnga. Su tempo udde niaringiṛṛana tingikka wuassu Apan Lembon Mawantuga, nabbisara si Tou, “Ete indi Ana'u arangnguang-Ku. I Tou maal᷊uassa naung-Ku!”

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

YUDAS 1:25

tumba'u i Tou sassane Ruata, Punnu Sal᷊amatti ite sulal᷊ummu Yesus Kristus Mawun kite. Ete i Tou Ruata apan mawantuga, ahewal᷊anne, pia taṛṛino, wuṛṛu pia saṛṛaungnge ro'en al᷊amonane ma'oman sara orasa indi wuṛṛu saran mal᷊annu-l᷊annu! Amin.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”