IBRANI 1:14 - WUKE SUSI WATTI'U AL᷊AL᷊USASSA

¹⁴ Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 1:14 Iomraidhean Croise

PANDARIADDI 32:24

Arawe i tou natantangke sassane. Ne nirumantate sangkatou esakka nallaṛṛawa'i Yakub naddatingngu maranin nallo.

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

DARALO 104:4

Anginna niolang-Ngu daroloṛṛan-Nu, wuṛṛu sawallo mangangimbe-Nu.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

MATIUS 13:41

Ana'u Taumata sarun mandolokku manga mala'ekan-Ne mangammullu manga taumata su wallattu al᷊aṛṛanang-Nge apan naola'a taumata marosa, wuṛṛu anambon taumata waine lai apan ma'ola'a al᷊al᷊eo.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 4:11

Panginsueanne Setanna nanantangke Mawu Yesus, wuṛṛu manga mala'ekan-Ne lai nappadantate nangimbe si Tou.

MARKUS 10:17

Napawe Mawu Yesus nanassute lai amatanni mangitou, nirumantate sangkatou tuttatal᷊angnga inai ringannu Mawu Yesus. Taumata udde inumal᷊intuda su saruannu Mawu Yesus wuṛṛu naiwal᷊o, “Huru apan mapia, ya'u ma'ola'a apa tadea'u wotongnge maasomba pabbawiakka tutune wuṛṛu saran mal᷊annu-l᷊annu?”

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

LUKAS 1:23

Napawe nasuete manarane su Wal᷊e Mawu, i Zakharia napul᷊ete su wal᷊e.

LUKAS 16:22

Taumata asiangnga udde see natete wuṛṛu niapiddu mala'ekatta watukku tampa awantuhanne su sandiṛṛanni Abraham su surga. Taumata ala udde nate lai wuṛṛu see nilabingnga.

LUKAS 2:13

Inaṛṛombanganne mala'ekatta udde raṛṛundingannannu manambo mala'ekatta waine, apan maddalo Ruata. I mangitou mabbisara,

LUKAS 2:9

Inaṛṛombanganne mala'ekattu Mawu natingkapasilom batanganne si mangitou, wuṛṛu semakku asasemakka wuassu Mawu nilumansiangnga nanemakka si mangitou, wuṛṛu i mangitou mangke nata'utta.

WATTI'U MANGA RASUL 11:22

Manga watti'a su ola'u manga al᷊aṛṛindu'a udde na'omate lai su jamaattu Yerusalem. Ne i mangitou nandolokki Barnabas watukku Antiokhia.

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

WATTI'U MANGA RASUL 12:7

Inaṛṛombanganne mala'ekattu Mawu uarisikka isudde wuṛṛu sambau semakka natuakka sulal᷊ummu wabo'an tuttupanna udde. Mala'ekatta udde nangio'i Petrus na'oman sara i tou napu'o. See mala'ekatta udde nabbisara, “Ei paasaṛṛawutte mapu'o!” Orassa udde lai ṛate atta'a nawu'a wuassu limam Petrus.

WATTI'U MANGA RASUL 13:2

Su tempo i mangitou tantal᷊anna mattaṛṛamawu su Mawu wuṛṛu mappuasa, Ghaṛṛahon Ruata nabbisara si mangitou, “Pamilete si Barnabas wuṛṛu si Saulus tumba'u hunane su manara-U, tadea'u i mangitou mammanara manara apan suete niapamanara-U si mangitou.”

WATTI'U MANGA RASUL 16:26

Inaṛṛombanganne nallinukka wahewa na'oman sara rapappaku tuttupanna udde inumio'a. Anambo ngaran tuttupanna udde nawu'a wuṛṛu manga ṛate apan uamantungngu taumatan tuttupanna udde napallosa.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

WATTI'U MANGA RASUL 5:19

Arawe ṛabbine, sangkatou mala'ekattu Mawu namu'a manga ngaran tuttupanna, see nangapiddu manga rasul udde sinumabangnga. Mala'ekatta udde nabbisara su manga rasul,

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

ROMA 13:6

Eteudde lai pinangiananne anio tuṛṛangnga mammaekka wose, ana waugu tembonanne udde mamamanaran Duata apan mappaamattu manaran Mawu indi.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

ROMA 15:27

Ringannu naungnga mal᷊uassa i mangitou nakkawessa ma'ola'a udde. Atonna ṛinone i mangitou mantul᷊ungngu manga tuṛṛangnga apan asiangnga su Yerusalem; ana waugu wuassu manga taumatan Yahudi udde, manga taumata wal᷊ine Yahudi buatte nanengkamma al᷊amatta wuassu Ruata. Nariaddi manga taumata wal᷊ine Yahudi ṛinone lai mantul᷊ungngu taumatan Yahudi ringannu manga al᷊amatta ere manga darotongnga.

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

2 KORINTUS 9:12

Ana waugu inolaanna mapia apan niola'i yamiu indi wal᷊ine tumba'u mannuungngu aurangannu walahannu Ruata, arawe udde ma'aola'a taumata nambo maadiangkamanna su Ruata.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

GALATIA 3:7

Nariaddi ṛinone i yamiu manutukka manungku taumata apan atonna-tonna papapulunni Abraham eteudde taumata apan mangngimanna Ruata.

GALATIA 3:9

Araham mangngimanna, ne i tou nial᷊amatanna. Aroddi lai anambon taumata apan mangngimanna sarun al᷊amatanna suadio'a ringanni Abraham.

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

FILIPI 2:25

Su ola'u tuṛṛangi ite Epafroditus apan nirolokki yamiu mallal᷊ima si ya'u, i ya'u mammendama mappianne i tou irolokka iapaawelengnga ringanni yamiu apia. I tou suete nallal᷊ima si ya'u sulal᷊ummu manara'u.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

TITUS 3:7

tadea'u wuassu darangngu Mawu Yesus, i ite wotongnge maaukka apia ringannu Ruata wuṛṛu i ite maasomba wiakka tutune wuṛṛu saran mal᷊annu-l᷊annu apan aantimanni ite.

IBRANI 10:11

Suapan imam taumatan Yahudi mappaamattu manarane ere sangkatou imam su miallo-miallo, wuṛṛu masokka i tou mangonggolu sasamba uasul᷊ungnga. Arawe manga sasamba udde atonna-tonna tawe maatubbusa rosa.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

IBRANI 6:12

I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

IBRANI 8:6

Arawe orassa indi Mawu Yesus naasomba manaran imam apan lembon awantuhanne wuassu apan nimmanara manga imam udde. Ana waugu paaire apan niola'a su wallatu Ruata wuṛṛu taumata, eteudde pa'aire apan lembon apianne ana waugu pinangianannu paaire hunane su manga inolaanna apan lembon apianne.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.