HOSEA 9:8 - WUKE SUSI WATTI'U AL᷊AL᷊USASSA

⁸ Ruata nandolo'u maola'a nabi tadea'u mapaanaungnga si yamiu uman-Ne, arawe watukku apa i ya'u inai, i yamiu maddea'a manongnga si ya'u ere manu'u winalanganna. Su wanua pussa'an Duata sassane, i yamiu manga nabi ipasseettu tumanangnge.

HOSEA 9:8 Iomraidhean Croise

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 MARARATU 22:11

Sangkatou suwallattu manga nabi udde aranne i Zedekia ana'i Kenaana, na'ola'a manga tatandu'a atta'a ana see nabbisara si Ahab, “Eteindi apan niwal᷊on Mawu, ‘Ringannu manga tatandu'a ereindi i Tuangnga sarun namaddon Siria wuṛṛu makkimunsa'a si mangitou.’ ”

1 MARARATU 22:22

‘Ereapa olangnge?’ aiwal᷊on Mawu. Ghaṛṛaho udde sinumimbakka, ‘I ya'u sarun inai wuṛṛu ma'ola'a anambon nabin Ahab mamahia.’ Mawu nabbisara, ‘Aroddite, ola'e udde, i'o sarun maasal᷊o'i tou.’ ”

1 MARARATU 22:28

Unni Mikha, “Amungkangngu i Tuangnga mabbelengnga ringannu sal᷊amatta, atappasanne Mawu tawe nabbisara si ya'u! Sarangkanambone apan uasemodda isindi maola'a matatiala.”

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

2 MARARATU 13:21

Su allo sambau napawe sira pira taumata tantal᷊anna malabbingu taumata nate, inaṛṛombanganne i mangitou naasilo ammul᷊annu tantaran Moab nirumanta. I mangitou lapiddu namareta manga winal᷊unanna udde sulal᷊ummu labbingi Elisa ana see tinumal᷊angnga. Aroddi asuangnga udde naṛe'etta su duṛṛin Elisa, asuangnga udde nabiakka apia ana see dirumarisikka.

2 MARARATU 2:14

ana see juban Elia udde niwal᷊atta su ua'e lapiddu nabbisara, “Suapate Mawu, Ruatan Elia udde?” Napawe i tou buatte namal᷊attu juba su ua'en sal᷊ukka udde, ua'e udde natahia darua wuṛṛu i tou niumamatte su samba'a.

2 MARARATU 2:21

Ana see i Elisa inaite watukku al᷊imatan kua'e wua'udde nanuntungu asimma sulal᷊ummu ua'e wuṛṛu nabbisara, “Eteindi apan niapasingkattu Mawu: ‘Ta'u iapaatilangnga ua'e indi tadea'u tate lai maapate wuṛṛu maanawo wawine apan pia illoṛo!’ ”

2 MARARATU 4:41

Ne i Elisa nandolokka niapaanu taponna addio'a, ana see nisal᷊iawukka sulal᷊ummu urinna. Wua'udde i tou nabbisara, “Tahiate apia anna udde.” Ne inauranna anna udde tate maasilaka.

2 MARARATU 4:43

arawe allanga udde nabbisara, “Tawe mattiudda su maṛasutta su atoune!” I Elisa sinumimbakka, “Tahiate tadea'u i mangitou umante, ana waugu Mawu nabbisara manungku i mangitou sarun umanna wuṛṛu napawe buatte niumanna ta'e pia lambene.”

2 MARARATU 5:14

Ana waugu udde i Naaman inaite watukku Sal᷊ukku Yordan, ana see tinumumpa wuṛṛu nallakkummu watanganne sulal᷊ummu sal᷊ukka udde paapitu ere buatte nirolokki Elisa. Ne i Naaman napiate. Waddange tate raddange ere waddangu taumata saṛentumuwo.

2 MARARATU 5:27

Ana waugu i'o nanengkamma aonggola udde, i'o sarun manengkamma lai radda'i Naaman. Ewe'e lai saran mal᷊annu-l᷊annu, papapulunnu lai sarun maasomba radda'a udde!” Napawe i Gehazi sinumabbanga wua isudde, i tou naasombate radda'a su pisi – pisine nabbal᷊i mawira-wira.

2 MARARATU 7:19

Wuṛṛu sutempo udde mandariaga ratu buatte nabbisara, “Tawe mariaddi! Udde awusu, salaiwe su orassa indi Mawu manossokku uranna apan bahewalla wuassu langitta!” Ana see sinimbaṛṛanni Elisa, “Paṛṛaddote i'o sarun maasilo olangnge udde mariaddi, arawe i'o tawe maal᷊ewa anna udde sarangkadio'a.”

2 MARARATU 7:2

Mandariaga ratu nabbal᷊issa, “Tawe mariaddi! Udde awusu, salaiwe su orassa indi lai Mawu manossokku uranna wahewalla wuassu langitta!” “I'o sarun maasilo olange udde mariaddi, arawe i'o tawe maal᷊ewa anna udde sarangkadio'a,” sasimbakki Elisa.

DARALO 124:7

I ite naal᷊ihidda manu'u winalanganna apan napallossa wuassu seddan lumalul᷊u, sedda udde nabassutta, wuṛṛu i ite napallossa!

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

ANTARI MAWANTUGA 3:3

I ya'u niasangkal᷊annu mandariaga soa, wuṛṛu ta'u niiwal᷊oanna, “Apa i'o naasilo tatuno naungku?”

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

YEREMIA 14:13

Ana see i ya'u nabbisara, “Oh Mawu Apan Atanggaṛṛanne, I'o masingkatta manga nabi buatte nabbisara su tumanangnge manungku tate pangalo ara'e al᷊aṛṛutumma, ana waugu I'o buatte naddiandi manungku wanua indi sidutu sulal᷊ummu paddarame.”

YEREMIA 23:13

Rosa manga nabin Samaria suelen niasiloang-Ku. I Ya'u naasilote. I mangitou mabbisara ringannu aranni Baal, wuṛṛu mangngal᷊iwun Israel uma-U.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 3:17

“Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

YEHEZKIEL 33:7

Ei taumata apan mattate, i'o Ta'u pileanna maola'a mandariaga walahannu Israel. Wal᷊oa'a si mangitou tatagu indi:

HOSEA 5:1

Mawu nabbisara, “Paddaringikke, ei manga imam! Panutukke, ei taumatan Israel! Paddaringikke, ei manga taumata papapulunnu ratu! Ṛuumanna buatte niema'a si yamiu. Ana waugu, ṛinone i yamiu makkuungnga ringannu atatul᷊idda, arawe nawal᷊i'a i yamiu naola'a ere sedda su Mizpa, naal᷊ihidda wal᷊ati'a su Wowon Tabor,

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

ROMA 3:7

Arawe amungkangngu manga inolaanna apan nassal᷊a, apa apan naṛṛino su ola'u Ruata lembon lumiatta'a ma'oman sara i Tou raloanna, anio taumata apan ma'ola'a al᷊al᷊eo udde ta'e iapaasal᷊a ere taumata marosa?

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.