HOSEA 9:3 - WUKE SUSI WATTI'U AL᷊AL᷊USASSA

³ I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

HOSEA 9:3 Iomraidhean Croise

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

LAL᷊ALLU 5:6

I yami inaite massaṛṛi su Mesir, i yami maddorongnga anna su Asyur.

YEHEZKIEL 4:13

Mawu nabbisara, “Etearoddi olangnge taumatan Israel sal᷊immurine umanna anna apan isassingaddu tita Musa, sutempo i mangitou Ta'u niwuangnga watukku wanua awagananna.”

DANIEL 1:8

Ringannu tul᷊ungannu Ruata, Daniel iaakkanna wuṛṛu arangnguanni Aspenas. Daniel nassalu tadea'u tawe mandal᷊eo watanganne ringannu anna wuṛṛu ua'e anggore wuassu wal᷊en araratuannu ratu, ana waugu udde i tou naddorongnga si Aspenas tadea'u wotongnge masomba anna waine.

HOSEA 11:11

Wuassu Mesir i mangitou sarun dumanta ere al᷊ihakku manu'u winalanganna, wuṛṛu wuassu Asyur Tau iapidda mabbelengnga watukku wal᷊en mangitou. I Ya'u, Mawu, apan nabbisara.”

HOSEA 11:5

Manga taumatan Israel udde maddiri mabbelengnga apia ringang-Ku, ana waugu ude i mangitou ṛonone mabbelenga watukku Mesir, wuṛṛu walahannu Asyur sarun mamarenta si mangitou.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

HOSEA 7:16

I mangitou mangke sidutu uatantalongnga manga monganna apan atonna-tonna tawe uatahuanna taṛṛino saran kaddio'a. I mangitou tate ipangasakka naal᷊ihidda darangeanna apan nilumonto'a. Manga piaṛṛa'i mangitou mabbisara ringannu mawunga, ana waugu udde i mangitou sarun pateannu hal᷊ele, wuṛṛu ilallange manga taumatan Mesir.”

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

IMAMATTA 18:28

tadea'u i yamiu tawe iṛṛuumanni tou wuṛṛu limbuaṛṛanna wuassu leta'a udde ere manga taumata apan tawe maaillal᷊a Mawu apan uatana'a poiaroddi ro'en i yamiu taambe nirumanta.

IMAMATTA 20:22

Mawu nabbisara, “Paatuṛute su anambon tita wuṛṛu parenta-U, tadea'u i yamiu tawe limbuaṛṛana wuassu wanua Kanaan, suapa i Ya'u sarun mangapiddi yamiu.

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

WATTI'U MANGA RASUL 10:14

I Petrus sinumimbakka, “Tawe, Mawu! Taambe saran paassa i ya'u inumanna apa ipappalli ara'e ia'arantinna.”

TAHIUL᷊E 28:63

Ere lai Mawu mal᷊uassa mangonggolu lal᷊umanna'a si yamiu wuṛṛu mannimu reengannu, i Tou sarun mal᷊uassa mamate wuṛṛu manginsue si yamiu. I yamiu sarun limbuaṛṛanna wuassu wanua apan tate mal᷊annu lai atanaanni yamiu.

TAHIUL᷊E 28:68

Mawu sarun mandolokki yamiu apia watukku Mesir ringannu uasa'e apalla, salaiwe i Tou buatte nabbisara manungku i yamiu tawe mabelengnga apia poiaroddi. Poiaroddi yamiu sarun mattinsahadda mabbal᷊u'u watangannu maola'a allangnga su seennu, arawe tawe saran sangkatou apan mamalli si yamiu.”

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

YOSUA 23:15

Arawe su ereapa i Tou nanipussa al᷊awo'u pa'aire-Ne si yamiu, aroddi lai i Tou sarun mapaamattu ṛuuman-Ne si yamiu.