HOSEA 9:12 - WUKE SUSI WATTI'U AL᷊AL᷊USASSA

¹² Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

HOSEA 9:12 Iomraidhean Croise

2 MARARATU 17:18

na'oman sara i Tou nasa'u atonna si mangitou wuṛṛu tate lai ma'ellega si mangitou. I Tou nandammen mangitou wuassu leta'a apan nionggoli Tou si mangitou; apan natantanga tumba'u araratuannu Yehuda.

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

AYUB 27:14

Amungkangngu anangnge manambo, i mangitou sarun mate sulal᷊ummu pangalo wuṛṛu ana'a papapulunne sarun mabbiakka sulal᷊ummu awussa.

YEREMIA 15:7

Suapan soa su wanua indi i yamiu sarun Ta'u iramme ere wal᷊a'a. Salaiwe i yamiu uma-U arawe i Ya'u mamate si yamiu wuṛṛu al᷊aṛṛanangngu ana waugu i yamiu maddiri mamal᷊u ola'u pabbiaṛṛannu.

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

LAL᷊ALLU 2:20

Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

LAL᷊ALLU 2:22

I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

HOSEA 9:13

Mawu, i ya'u naasilo al᷊aṛṛana'i mangitou a'enggenanna wuṛṛu nipate.

HOSEA 9:16

Taumatan Israel sarun Ta'u iṛṛuummanna. I mangitou sarun mabbal᷊i ere sasuanna apan tawe mabbua, wuṛṛu manga ṛamunne naṛṛangute. I mangitou sarun tawe maasomba ana'a; arawe salaiwe i mangitou uatahuanna ana'a, sarun Ta'u pateanna al᷊aṛṛana'a apan arangnguanni mangitou udde.”

MALEAKHI 2:12

Doronganna manga taumata apan inolaanne aroddi limbuaṛṛannu Mawu wuassu umattu Israel. Antimanna i mangitou tate lai tumantalongnga ringannu walahanni ite mangonggollu manga sasamba su Mawu Apan Lembontaṛṛino.

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!

REENGANNA 26:65

Mawu buatte nabbal᷊o manungku i mangitou sarangkanambone sarun mate su wadda'a. Wuṛṛu atonna i mangitou sarangkanambone nate, tumba'u i Kaleb ana'i Yefune wuṛṛu i Yosua ana'i Nun.

TAHIUL᷊E 28:18

Niawontohante i yamiu, na'oman sara tumba'u matul᷊u anangngu, hessin letangngu, see lai ambinga dombanu.

TAHIUL᷊E 28:32

Su saruannu matanu manga al᷊aṛṛanangngu sarun ionggola su taumata raho maola'a allangnga. Miallo-miallo matanu mapal᷊atta maddea'a manga anangngu, arawe sahaddu udde tawe gunane, ana waugu i mangitou tate mabelengnga.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

MAL᷊AṚṚUUNGNGA 4:16

I Barak nangenggenna manga keretan pangalo wuṛṛu tantaran seetta udde naddatingngu Haroset-Hagoyim ana see anambon tantaran Sisera udde nipate; tawe saran sangkatou apan niwala wiakka.

1 SAMUEL 16:14

I Saul linantangngu Ghaṛṛahon Mawu, wuṛṛu orassa indi i tou assansarannu ghaṛaho lal᷊eo apan nirolokku Mawu.