HOSEA 9:10 - WUKE SUSI WATTI'U AL᷊AL᷊USASSA

¹⁰ Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

HOSEA 9:10 Iomraidhean Croise

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

2 MARARATU 17:11

I mangitou lai nanambunnu amania su anambon mezbah hunane tumba'u su monganna, ere inanaramannu manga walahanna apan buatte nilimbuaṛannu Mawu wuassu wanua Kanaan. I mangitou massubba paal᷊uanna, salaiwe Mawu buatte naningadda. Al᷊awo'u inolaanni mangitou apan dal᷊eo mandantan asasa'un Mawu.

DARALO 115:8

Antimanna etearoddi pal᷊addu manga taumata apan nallanginna, wuṛṛu anambon taumata apan mangngimanna si tou.

DARALO 81:12

Arawe al᷊aṛṛana-U maddiri maddaringikka si Ya'u, Israel maddiri tumuṛṛutta si Ya'u.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

YESAYA 28:4

Atatelunngngu soan mangitou apan mannatakke mabbul᷊i udde sarun mahangginna. Pal᷊adde ere pal᷊addu wuan ara apan nal᷊aha taambe tempone; aroddi ellehanna, lapiddu ti'oanna wuṛṛu anananna.

YEREMIA 11:13

Manga mawun taumatan Yehuda manambo atonna, anambone ere manga soa mangitou. Tumana'u Yerusalem napararisikku manga mezbah anambone ere manga lal᷊anna su soan Yerusalem ipangonggollu sasamba su Monganna Baal.

YEREMIA 24:2

So'anna paarorone lal᷊oṛṛuannu wuan ara apan apianne, ere wuan ara wua paarorone, ewe'e so'anna aruane lal᷊oṛṛoannu wuan ara apan mawukku'e, na'oman sara tawe iaanna.

YEREMIA 3:24

Pasasubba si Baal, paal᷊uanna apan ma'asili udde naaola'a i yami niawul᷊iannu manga ana'i yami see lai manga sapi wuṛṛu domba, eteudde al᷊awo'u inasaharannu al᷊amonang kami ro'en paarorone.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 31:2

Su wadda'u anne i Ya'u mapal᷊iatta'u darangngu-U si mangitou apan buatte napallossa wuassu papate. Sutempo umattu Israel maddea'a atatammudda,

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

HOSEA 13:5

Su leta'a maṛṛasa su wadda'a mamara, ete i Ya'u apan nallu'adda si yamiu.

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

HOSEA 4:14

Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’

HOSEA 4:18

Napawe niwu'anne ana waugu na'inumma anggore tumaniten manambo, i mangitou sussandaga ringannu maluassa. I mangitou mappianne lallobbosanna sul᷊ungnge aaddatanna.

AMOS 4:5

Pangonggollen roti maola'a aadiangkamannu si Ya'u, wuṛṛu pattal᷊imoṛṛongante manungku i yamiu buatte nangapiddu tatimun sasamba! Eteudde apan mal᷊uassa a'olaanni yamiu!

MIKHA 7:1

Nasilakate i ya'u! I ya'u naal᷊ihidda ere taumata niamal᷊unusanna apan inaite nani'o wuan aaluanna napawe nal᷊iudde tempone. Nasuete manga wuane su aaluanna. Wuan anggore wuṛṛu wuan ara apan mangkapia sarangkanambone nasuete niti'o.

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

REENGANNA 18:13

Sarangkanambone udde maola'a wageangngu. Suapan lal᷊oṛṛon amonannu apan tawe sal᷊ane wotongnge umanna anna udde.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.

TAHIUL᷊E 4:3

I yamiu naasilo sassane sarangkanambone apan niola'u Mawu Ruatanu su Wowon Peor. Suapan taumata apan massubba Baal su tampa udde sarun pateannu Mawu,

MAL᷊AṚṚUUNGNGA 6:32

Ana waugu i Yoas nabbisara, “Wala'e i Baal sassane lumawanga si Gideon, ana waugu i tou buatte nanggohakku mezbahne,” ne nanattakka orassa udde i Gideon nisaggon taumata “Yerubaal”.