HOSEA 8:9 - WUKE SUSI WATTI'U AL᷊AL᷊USASSA

⁹ Naal᷊ihidda keledai matengnga apan mabbu'attikka, aroddi lai manga taumatan Israel tuttuṛṛutta apulune sassane. I mangitou madde'a sasumbala wuassu Asyur, wuṛṛu namalli paggahahawe su manga walahanna waine.

HOSEA 8:9 Iomraidhean Croise

2 MARARATU 15:19

Sutempo i Pul ratun Asyur namangalo Israel, i Menahem nangonggola si tou 34.000 su kilone sal᷊a'a tadea'u i tou massumbala mapatenegu taṛinon Menahem su Israel.

YESAYA 30:2

I mangitou inaite watukku Mesir ringannu tawe naddorongnga laṛṛawe-U. I mangitou mattilindumma su Mesir wuṛṛu mangngantimma aontolla wuassu ratu Mesir.

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YEREMIA 2:24

ana see sinumuṛṛite su wadda'u anne apan mal᷊annabba. I tou tawe ataṛṛanganna tantal᷊anna uawawatianna. Iapa maapulune salaiwe tate maddea'a, ana waugu sutempo mabbatianna i tou sidutu maipasilon batanganne.

HOSEA 12:1

Mawu nabbisara, “Walahannu Israel uapal᷊iwutta si Ya'u ringannu awusu wuṛṛu wawahia; walahannu Yehuda sidutu lullawangnge si Ya'u, Ruata Apan Susi wuṛṛu satia.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

HOSEA 2:10

Sarun Ta'u tantol᷊eanna i tou su saruannu anambon apulune. Tawe saran sangkatou wuassi mangitou wotongnge maapallossi tou wuassu taṛṛino-U.

HOSEA 5:13

Walahannu Israel wuṛṛu walahannu Yehuda naatutkka inolaanne apan dal᷊eo, ne Israel inaite watukku Asyur tadea'u maddorongnga sumbala su ratu wahewalla. Arawe i tou udde tawe ma'ontolla wuṛṛu mangapia ola'u pabbiaṛṛanni mangitou.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!