HOSEA 8:4 - WUKE SUSI WATTI'U AL᷊AL᷊USASSA

⁴ Uma-U namile ratu ringannu tawe naddorongnga ṛingidda si Ya'u. I mangitou nanenegu piaṛṛa'a tawe niwal᷊o si Ya'u. I mangitou nanganu wul᷊awanna wuṛṛu sal᷊a'an mangitou wua'udde nallanginnu paal᷊uanna sassubbanna apan pangillul᷊eanne naola'a araṛṛimunsa'i mangitou sassane.

HOSEA 8:4 Iomraidhean Croise

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

YEREMIA 16:20

Wotongngewe taumata ma'ola'a mawune sassane? Tantu tawe! Apan olaanne udde tantu wal᷊ine Ruata.”

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

DANIEL 3:1

Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.

HOSEA 13:1

Dorone ṛuanganni Efraim aaddatanna na'oman sara napawe pia parenta wuassu ṛuanganna udde, manga ṛuanganna waine su Israel matta'utta. Arawe ṛuanganni Efraim na'ola'a rosa ana waugu massubba si Baal, ana waugu udde i tou sarun namuli.

HOSEA 13:11

Ringannu nasa'u i Ya'u nangonggollu ratu si yamiu, wuṛṛu ringannu maṛṛagissa i Ya'u nangul᷊e si mangitou apia.”

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

HOSEA 8:3

arawe i mangitou maddiri manengkamma apa apan mapia. Ana waugu udde i mangitou sarun enggenannu seetti mangitou.

MATIUS 25:12

Arawe maa'awingnga esakka udde sinumimbakka, ‘I Ya'u waggang kamiu!’ ”

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?