HOSEA 8:14 - WUKE SUSI WATTI'U AL᷊AL᷊USASSA

¹⁴ Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

HOSEA 8:14 Iomraidhean Croise

1 MARARATU 12:31

I Yerobeam napararisikku lai manga tampa patataṛṛamawuanna waine su manga puiddu wowone, wuṛṛu i tou namile manga imam wuassu wallattu manga amonanna apan wal᷊ine ṛuanganni Lewi.

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

2 MARARATU 18:13

Sulal᷊ummu tonna apul᷊o appanne i Hizkia ratun Yehuda uaparenta, manga soan Yehuda apan pia tatandange watu nipangaloanna wuṛṛu niwaddon Sanherib, ratun Asyur.

2 TAWARIKH 26:10

I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

2 TAWARIKH 27:4

I tou napararisikku soa su manga panenteannu Yehuda wuṛṛu manga tanda'a watu see lai manga menara pandiaganna su mahurangnge.

DARALO 106:21

I mangitou naabul᷊in Duata mananal᷊amatti mangitou apan buatte na'ola'a manga inolaanna wahewalla su Mesir.

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

YESAYA 17:10

Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 9:10

Mawu buatte nangal᷊oren seetti mangitou tadea'u lumawangnga si mangitou.

YESAYA 9:9

“Manga gedunga ara'e wal᷊en wahewalla wuassu tela leta'a naṛṛaate, arawe i yami sarun ma'ola'a manga wal᷊en wakku wuassu watu. Manga alu ara buatte nituwangnga, arawe sarun hantianni yami ringannu alun cemaran Libanon apan apianne.”

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YEREMIA 23:27

I mangitou maṛṛingidda manungku ringannu manga wal᷊iawa apan iwabbatti'i mangitou udde, uma-U wotongnge maabul᷊i-U ere lai al᷊amona mangitou naabul᷊i-U wuṛṛu nassubba si Baal.

YEREMIA 3:21

Roso su manga puiddu wowone niaringikka tingikku hio; udde tingikku walahannu Israel apan lulluai wuṛṛu mangke sussal᷊ande, ana waugu i mangitou narosate, wuṛṛu naabul᷊ite Mawu Ruata mangitou.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEHEZKIEL 23:35

Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

AMOS 1:10

Ana waugu udde i Ya'u sarun mangirimmu putungnga watukku manga darandungngu Tirus wuṛṛu manoṛṛobba ma'oman sara masue manga tanda batune.”

AMOS 1:12

Ana waugu udde, i Ya'u sarun mangirimmu putungnga watukku soa Teman, wuṛṛu manoṛṛobba ma'oman sara masue manga tanda'a watun Bozra.”

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

AMOS 1:4

ana waugu udde i Ya'u sarun mangirimmu putungnga watukku wal᷊en araratuanni Ratu Hazael, wuṛṛu manoṛṛobba ma'oman sara masue manga tanda batun Ratu Benhadad.

AMOS 2:5

Ana waugu udde, i Ya'u sarun mangirimmu putungnga watukku Yehuda wuṛṛu manoṛṛobba ma'oman sara masue manga tanda'a watu su Yerusalem.”

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

TAHIUL᷊E 32:18

I mangitou tawe mappandumma Mananal᷊amatti mangitou apan matohassa, maabul᷊in Duata mangitou apan mangngonggolu wiakka.