HOSEA 7:7 - WUKE SUSI WATTI'U AL᷊AL᷊USASSA

⁷ Sulal᷊ummu naungngu asasa'une, i mangitou namate manga piaṛṛa'i mangitou. Anambon ratun mangitou buatte nipate nallal᷊isansunna. Arawe salaiwe ola'i mangitou nabbal᷊ite aroddi al᷊eone, taweddu saran sangkatou apan niumaliomanna si Ya'u maiontolla.”

HOSEA 7:7 Iomraidhean Croise

1 MARARATU 15:28

Udde nariaddi sulal᷊ummu tonna atallune pamamarentan Ratu Asa su Yehuda. Etearoddi i Baesa naola'a ratun Israel nallol᷊ossa si Nadab.

1 MARARATU 16:18

Sutempo i Zimri naasilo manungku soa udde niaaṛṛote, i tou sinumutta sulal᷊ummu wal᷊en araratuanna wuṛṛu nanoṛṛobba wal᷊en araratuanna udde suaddio'a ringannu watanganne, ne i tou natete.

1 MARARATU 16:22

Panginsueanne i mangitou apan uasamba'a si Omri na'auntungnga. I Tibni nate wuṛṛu i Omri naola'a ratu.

2 MARARATU 10:14

“Samette ta'e wiakka i mangitou!” parentan Yehu su tantarane. Ne manga taumata udde nisamette, ana see nipate maranin paṛihi mamara, sarangkanambone appatu pul᷊o dua su atoune. Tawe saran sangkatou apan niwala wiakka.

2 MARARATU 10:7

Napawe naasengkamma suratta wuassi Yehu, manga matatimmadu soa Samaria udde namate siri pitun pul᷊o ana'a wuṛṛu pulunni Ahab udde ana see manga puan mangitou nitaṛṛo su so'anna wuṛṛu niuntudda si Yehu su Yizreel.

2 MARARATU 15:10

I Salum ana'i Yabes naammula mando'appa si Ratu Zakharia wuṛṛu namate si tou su Yibleam, ana see naola'a ratu nallol᷊ossa si tou.

2 MARARATU 15:14

ana waugu Menahem ana'i Gadi nanantangu Tirza inai watukku Samaria, ana see namate si Salum, wuṛṛu naola'e ratu nallol᷊ossa si tou.

2 MARARATU 15:25

Sangkatou suwallatu manga tembonannu tantarane, eteudde i Pekah ana'i Remalya, naammulu siri 50 su atoune wuassu Gilead. Ana see sulal᷊ummu sambau tanda'a watu su wal᷊en araratuannu Samaria i mangitou namate si Pekahya wuṛṛu ruan katou waine aranne Argob wuṛṛu i Arye. Wua'udde i Pekah naola'e ratu nallol᷊ossa si Pekahya.

2 MARARATU 15:30

Su tonna aruam pul᷊one sutempo i Ratu Yotam ana'i Uzia uaparenta su Yehuda, i Hosea ana'i Ela na'ammula mando'appa si Ratu Pekah wuṛṛu namate si tou, ana see naola'e ratu nallol᷊ossa si tou.

2 MARARATU 9:24

I Yehu nangannatta al᷊ati'anne wuṛṛu namiti'a si Yoram su liudde nallappassa sara pappuso. I Yoram nawantinga wuṛṛu nate sulal᷊ummu keretane.

2 MARARATU 9:33

I Yehu nabbisara si mangitou, “Tuntunga'e i tou inawaroddi!” Ne i mangitou nanuntungken Izebel inawaroddi ana see. I tou nailarannu keretane na'oman sara daṛṛane nassiappa su darandunga wuṛṛu su manga awal᷊on kereta udde.

AYUB 36:13

Taumata apan tawe mawune uasahipunna asasa'u; salaiwe iṛṛuumannu Mawu, i mangitou maddiri maddorongnga sasumbala.

DARALO 14:4

Unnu Mawu, “Apa manga taumata lal᷊eo udde tawe maatutukka? I mangitou mabbiakka ringannu manna'o al᷊aṛṛana-U wuṛṛu tawe saran paassa niumal᷊iomanna si Ya'u.”

YESAYA 43:22

Mawu nabbisara, “Arawe i'o Israel, tawe nassubba si Ya'u, wuṛṛu tate lai mattaṛṛamawu si Ya'u.

YESAYA 64:4

Taambe saran paassa piaddu naaringikka, wuṛṛu taambe saran paassa piaddu naasilo manungku wal᷊ine wuas-Si'o, pia mawu apan mammanara, su taumata apan uaantimma si tou.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

HOSEA 13:10

I yamiu maddorongnga ratu wuṛṛu piaṛṛa'a, arawe suapate i mangitou sarangkanambone orassa indi? Wotongngewe i mangitou manal᷊amatta tumanangngu?

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

HOSEA 8:4

Uma-U namile ratu ringannu tawe naddorongnga ṛingidda si Ya'u. I mangitou nanenegu piaṛṛa'a tawe niwal᷊o si Ya'u. I mangitou nanganu wul᷊awanna wuṛṛu sal᷊a'an mangitou wua'udde nallanginnu paal᷊uanna sassubbanna apan pangillul᷊eanne naola'a araṛṛimunsa'i mangitou sassane.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.