HOSEA 7:2 - WUKE SUSI WATTI'U AL᷊AL᷊USASSA

² Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

HOSEA 7:2 Iomraidhean Croise

AYUB 34:21

I tou ual᷊u'adda wiakku taumata, niellehan-Ne al᷊awo'u lempangnge.

DARALO 10:11

Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

DARALO 90:8

I'o namilattu pasasal᷊an kami su saruan-Nu, rosan kami apan uawuni niasiloan-Nu.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.

YESAYA 44:19

Ma'aola'a paal᷊uanna udde tawe na'oma maṛṛingidda, “Alu udde sambageanganna tutungangku, wuṛṛu waṛṛane ta'u ipaatta ipallol᷊o roti wuṛṛu ipattapan ṛemessa maola'a wia'u. Ana see lamben kalu udde ta'u niola'a paal᷊uanna. Nariaddi orassa indi i ya'u massubba alu sangkabbuwu!”

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

YEREMIA 17:1

Mawu nabbisara, “Ei walahannu Yehuda, rosanu buatte ni'uitta su naungngu wuṛṛu su anambon pappi'uannu manga mezbahnu ringannu pena atta'a apan matane wuassu intanna.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEREMIA 44:21

“Apa i yamiu massunna Mawu wagga ara'e naabul᷊ite manga sasamba apan nionggolla su manga soan Yehuda wuṛṛu su manga lal᷊annu Yerusalem ṛatangannu al᷊amonanu, ṛatangannu manga ratu wuṛṛu manga tembonannu, see tumana'u wanua indi wuṛṛu i yamiu sassane?

YEHEZKIEL 21:29

Aellega apan niasiloanni yamiu udde palassu, wuṛṛu pani'atta apan iwabbalong kamiu udde lai wawahia wuṛṛu awusu. I yamiu lal᷊eo wuṛṛu mal᷊awangnga, wuṛṛu tempo ipakkuumannu apan panginsueanne maranite. Hal᷊ele udde sarun maṛṛata ullekkanu.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

HOSEA 4:9

Ne i yamiu sarun matataṛṛangnga ere lai tumanangnge! I ya'u sarun makkuumanni amiuuasul᷊ungngu manga inolaannu.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

AMOS 8:7

Mawu, Ruatan balahannu Israel, buatte nassalu, “I Ya'u mangke tawe maabul᷊i inolaanni mangitou apan dal᷊eo.

YUNUS 1:2

Wisara-Ne, “Roote watukku Niniwe, soa wahewalla udde, tadea'u mapaanaungnga, ana waugu i Ya'u masingkatta manungku tumanangnge tumaniten dal᷊eo.”

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

LUKAS 12:2

Tawedu uawuni apan tawe aasiloanna, wuṛṛu tawedu apan iadappingnga apan tawe asingkatanna.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.