HOSEA 7:13 - WUKE SUSI WATTI'U AL᷊AL᷊USASSA

¹³ Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

HOSEA 7:13 Iomraidhean Croise

NEHEMIA 1:10

Mawu, i yami indi manga allang-Ngu, uman-Nu sassane apan buatte niapasal᷊aman-Nu ringannu taṛṛino wuṛṛu atatohan-Nu apan wahewalla.

AYUB 22:17

Ete i mangitou udde apan waṛṛani nanol᷊a'u Apan Lembontaṛṛino, wuṛṛu massunna i Tou tawe maola'a mangapa si mangitou.

DARALO 106:10

Ringannu aroddi i Tou nangal᷊amatta si mangitou wuassu ro'appa, i Tou namallossi mangitou wuassu taṛṛinon seetta.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 30:2

I mangitou inaite watukku Mesir ringannu tawe naddorongnga laṛṛawe-U. I mangitou mattilindumma su Mesir wuṛṛu mangngantimma aontolla wuassu ratu Mesir.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YEREMIA 7:15

I yamiu sarun Ta'u limbuaṛṛanna wuassu saruang-Ku ere lai Ya'u buatte nallimbuakka manga amonannu, umattu Israel.”

LAL᷊ALLU 5:16

Al᷊al᷊uassi yami nasuete, i yami nasilaka ana waugu marosa.

YEHEZKIEL 16:23

Mawu Apan Atanggaṛṛanne nabbisara, “Nasilakate i'o! Atonna nasilakate! I'o buatte na'ola'a al᷊awo'u al᷊al᷊eo udde.

YEHEZKIEL 18:2

“Anio sasanato'a indi sidutu isassago su wanuan Israel? ‘Taumata timmade u'anna wuan anggore apan mapakkadda temange, arawe al᷊aṛṛana'a maṛṛangirassa isine.’

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

HOSEA 11:2

Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.

HOSEA 5:7

I mangitou tate satia su Mawu; al᷊aṛṛana'i mangitou wal᷊ine al᷊aṛṛanangnge. Ana waugu udde, tate mal᷊annu lai i mangitou sarun pateanna suadio'a ringannu manga wawail᷊anni mangitou.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

HOSEA 7:3

Mawu nabbisara, “Ringanu wawahia wuṛṛu inolaana apan dal᷊eo tumanangnge mattinsahadda malluassa naungngu ratu wuṛṛu manga temboanannu araratuanna.

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

HOSEA 9:17

Ruata apan ta'u a'imbeanna udde sarun manol᷊a'u uman-Ne, ana waugu i mangitou maddiri maddaringikka si Tou. I mangitou sarun lumallele suwallattu manga walahanna.

YUNUS 1:10

Wua'udde i tou nabbatti'a ereapa i tou maddea'a tumal᷊angngu watangane wuasu Mawu. Naaringikka udde manga mamanaran apalla nabbal᷊i lembon matta'utta lai, wuṛṛu nabbisara si tou, “Mawunga atonna inolaannu udde!”

YUNUS 1:3

Arawe Yunus ewe'e lai inaite watukku tampa waine tadea'u mangindaun Mawu. I tou nanute watukku Yopa, wuṛṛu inauranna nattapare naasangkalla apalla apan inai watukku Spanyol. Napawe buatte namaekka parakene, i tou sinuma'ete su apalla, ana see massenggote suadio'a ringannu lal᷊oṛṛon apalla watukku Spanyol, tadea'u mangindaun Mawu.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

MIKHA 6:4

I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

1 YOHANES 1:10

Arawe amungkangu i ite mabbisara manungku i ite tawe paddarosa, i ite maṛṛangngo manungku Ruata udde taṛṛa awusu wuṛṛu i ite tawe uaraddon wisaran Duata sulal᷊ummu naungngi ite.

SONDAPPA 8:13

Ana see i ya'u na'ellega, ne i ya'u naaringikka sambau manu'a rajawali tantal᷊anna tuttalla'a matanggakka su winalanganna, u'ui, “Silaka! Silaka! Nasilakate anambon taumata su runia napawe niaringiṛṛante sire tallu mala'ekatta waine apan mattiuppa trompenne murine!”