HOSEA 6:7 - WUKE SUSI WATTI'U AL᷊AL᷊USASSA

⁷ Arawe ere su Adam i yamiu tawe nanuungngu paairenu si Ya'u.

HOSEA 6:7 Iomraidhean Croise

PANDARIADDI 3:11

“Isai namasingkatta si'o manungku i'o tantol᷊e?” Ruata naiwal᷊o. “Apa i'o niumanna wua apan Ta'u isassingadda udde?”

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

AYUB 31:33

Taumata waine mamunin dosane, arawe i ya'u taambe saran paassa na'ola'a ere i mangitou.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YEREMIA 3:7

Ṛingi-U napawe i tou buatte na'ola'a sarangkanambone udde, i tou sarun mabbelengnga apia ringang-Ku. Arawe i tou tawe nabbelengnga, ewe'e inai sinumandaga. Ana waugu udde i Ya'u nanindo wuṛṛu nallimbuakka si tou. Yehuda, tuṛṛangngu Israel, apan mal᷊awangnga udde maasilo sarangkanambone udde, arawe i tou tawe nata'utta. Ewe'e i tou lai nabbali masandaga,

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEREMIA 5:11

Umattu Israel wuṛṛu Yehuda mangke atonna-tonna buatte namahia si I Ya'u. I Ya'u, Mawu, buatte nabbisara.”

HOSEA 5:7

I mangitou tate satia su Mawu; al᷊aṛṛana'i mangitou wal᷊ine al᷊aṛṛanangnge. Ana waugu udde, tate mal᷊annu lai i mangitou sarun pateanna suadio'a ringannu manga wawail᷊anni mangitou.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

ROMA 5:14

Arawe ro'en su tempon Adam na'oman sara tempon Musa, papate uataṛṛino anambon taumata. Ewe'e lai manga taumata apan tawe na'ola'a pasasal᷊a ere niola'i Adam, manga taumata udde lai sulal᷊ummu taṛṛinon papate. Eteudde Adam tul᷊adan Tou apan sarun rumanta sal᷊immurine.

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

IBRANI 8:9

Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.