HOSEA 6:6 - WUKE SUSI WATTI'U AL᷊AL᷊USASSA

⁶ i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

HOSEA 6:6 Iomraidhean Croise

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

DARALO 50:8

Wal᷊ine ana waugu sasambanu i Ya'u mangansilla si yamiu; sasamba itattambunnu sidutu udde su saruang-Ku.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

MANNANASE 5:1

Paṛṛingidde tantal᷊anna taambe mabbisara, wuṛṛu arie tumaniten mal᷊ihakka maddiandi su Ruata. I Tou roso surga wuṛṛu i'o wowa su runia.

YESAYA 1:11

Mawu nabbisara, “Su sunnanu i Ya'u maapulun al᷊awo'u sasamba apan sidutu ia'onggolli yamiu si Ya'u? Ya'u nualle manga domba sassambanu tattutunganna wuṛṛu tawan ana'u sapinu. Daṛṛan sapi esakka, domba wuṛṛu ambingnga i Ya'u maddirite.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YEREMIA 7:22

Sutempo i Ya'u nangapiddu al᷊amonanu sinumabbangnga wuassu Mesir, i Ya'u tawe nangonggolla si mangitou atoranna su ola'u sasamba itattambunna ara'e manga sasamba waine.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

AMOS 5:21

Mawu nabbisara, “I Ya'u maddantinna wuṛṛu mattaṛṛa muta ma'ellega manga ramean agamanu!

MIKHA 6:6

Apate apan sarun ionggolli ite su Mawu, Ruata su surga, napawe i ite rumanta mattaṛṛamawu si Tou? Ṛinone i ite mangapiddu sapi saṛṛentumuwo apan apianne maola'a sasamba itattambunna ionggolla si Tou?

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

MATIUS 12:7

Sulal᷊ummu Wuke Susi uawoṛṛetta: Ete pa'a'akanna apan ipaapulu-U, wal᷊ine sasamba wuassu winatangnga. Amungkangngu i yamiu atonna-tonna maasunna wisara indi, natantuna i yamiu tawe mapaasal᷊a manga taumata apan tawe sal᷊ane.

MATIUS 5:7

Lal᷊umanna'a su taumata apan mandangngu taumata waine; Ruata sarun mandangngu si mangitou lai!

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

MARKUS 12:33

Wuṛṛu ṛinone taumata mandangngu Ruata ringannu ahewallu naungnge, wuṛṛu ringannu anambon ṛingiṛṛanne see lai ringannu anambon auatanne. Wuṛṛu i tou lai ṛinone umakkannu sansul᷊ungnge ere lai ririne sassane. Udde mappianne wuassu mangngonggolu sasamba itatambunna wuṛṛu manga sasamba waine su Ruata.”

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 3:6

Anambon taumata apan mabbiakka uaaukka ringanni Kristus, tawe sidutu ma'ola'a rosa. Taumata apan sidutu ma'ola'a rosa, saran paassa tawe maasilo si Kristus ara'e maaillal᷊a si Tou.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.