HOSEA 6:3 - WUKE SUSI WATTI'U AL᷊AL᷊USASSA

³ Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

HOSEA 6:3 Iomraidhean Croise

2 SAMUEL 23:4

I Tou naal᷊ihidda semakku matannallo lullansiangnga sutempo marua'allo napawe langitta matilangnga. I Tou naal᷊ihidda semakku matannallo napawe wua nanguranna napangelomma nannal᷊o maṛṛansangnga lullendappa.”

AYUB 29:23

Anambon taumata mannengkamma wisara ringannu mal᷊uassa, naal᷊ihidda mabbawailla mannal᷊oho uranna sutempo makkuangnga.

DARALO 19:4

Taweddu mabbisara ara'e maggahatto, tawe tingikka apan aringiṛṛanna.

DARALO 19:6

marua allo i tou sumabbanga naal᷊ihidda maawinga esakka sinumabbanga wuassu wabbo'ane, naal᷊ihidda atumannaṛṛannu pangalo apan lulluassa manattaku amatanne.

DARALO 63:8

ana waugu ete I'o niumontolla si ya'u; sual᷊ungngu papaiddu Mawu i ya'u mangngantarin al᷊al᷊uassa.

DARALO 65:9

Anambon tumana'u runia matta'utta wuṛṛu mangngaddata naasilo manga inolaan-Nu apan wahewalla. Ahewallu runia wuassu pentakke maddatingngu pondolle niolang-Ngu lulluassa lullala'a.

DARALO 72:6

Antimanna i tou ere uranna apan nangansalla su wadda'a, naal᷊ihidda uranna masassaga apan nangammo manga wawail᷊anna.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

HOSEA 14:5

Mawu nabbisara, “Uma-U apan sinumewadda, Ta'u al᷊apanna apia wuṛṛu Ta'u iakkanna ringannu ahewallu naungnga; i mangitou tate Ta'u wul᷊oanna apia.

HOSEA 14:6

Su taumatan Israel i Ya'u naal᷊ihidda uranna apan maṛṛolo leta'a mamara. I mangitou sarun matti'akka ere bunga wuṛṛu ere punnu alu cemara apan mal᷊al᷊umma ramunne.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

MIKHA 5:7

Taumatan Israel apan ta'e uatana'a suwallattu manga walahanna sarun ere singa su pattangngannu manga winatangnga su mahurangnge ara'e su pattangngannu ammulannu domba su wadda'u nannal᷊o. Singa udde sinumutta su pattangngannu ammul᷊annu domba udde lapiddu maṛṛinda wuṛṛu mangke nanggaissa; tadewu apan naapallossu manga domba udde.

ZAKARIA 10:1

Napawe tempon manontongnga rumantate, paddorongke uranna su Mawu. Ne Mawu sarun mangammullu winabbawa ma'itumma, wuṛṛu manosokku urana masassaga ma'oman sara manga wawail᷊anna mabbal᷊i mangelomma mapia su anambon taumata.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

LUKAS 1:78

Mawung kite naung-Nge masaṛṛionto'a wuṛṛu maakkanna; ana waugu manal᷊amatta si ite i Tou nirumanta. Ere matannallo sinumabbangnga su rua'allo,

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”