HOSEA 5:6 - WUKE SUSI WATTI'U AL᷊AL᷊USASSA

⁶ I mangitou inaite maddea'a Mawu ringannu uaapiddu domba wuṛṛu sapi olaanna sasamba, arawe sarangkanambone udde tawe gunane. Ana waugu Mawu nanantangken mangitou, wuṛṛu i mangitou tate maasomba si Tou.

HOSEA 5:6 Iomraidhean Croise

SASABANGNGA 10:9

Sasimbakki Musa, “Yami sarangkanambone, mawae ete dario'a aroddi lai timmade. Yami sarun mangapiddu ana'i yami sarangkanambone, anambon sapi, domba wuṛṛu ambingngi yami, ana waugu yami sarun mallaghun sambau ramea wahewalla ipangaddata Mawu.”

AMSAL 1:28

Sutempo udde i yamiu sarun mamaggo si ya'u, arawe i ya'u tawe sumimbakka. I yamiu sarun maddea'a si ya'u suapan tampa arawe tawe massomba'u.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

ANTARI MAWANTUGA 5:6

I ya'u namu'a ngara sutannu arangnguangku, arawe i tou nabbal᷊i'a wuṛṛu napul᷊ete. I ya'u tumaniten luṛṛintulun tingikke; ta'u nireaanna i tou arawe tawe gunane. Ta'u niwagoanna aranne, arawe i tou tawe nitu'a.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 11:14

Ana waugu udde, Yeremia, ariete umal᷊iomanni mangitou ara'e maiontolla si Ya'u huna mangitou! Amungkangngu i mangitou sulal᷊ummu asasusa wuṛṛu maiontolla si Ya'u, i Ya'u maddiri maddaringikka si mangitou.”

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 7:4

Arie pangimanna su mamamahia apan mabbisara, ‘I ite mal᷊angnganna, ana waugu indi Wal᷊en Mawu. Atonna indi Wal᷊en Mawu!’

LAL᷊ALLU 3:44

Asasa'u-Nu ere winabbawa apan maappalla atonna na'oman sara tawe al᷊appasannu aal᷊iomanni yami.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 8:6

Ruata nabbisara si ya'u, “Ei taumata apan mattate, i'o maasilo apa apan tantal᷊anna nariaddi? Panutukke manga inolaanna apan maarantinna apan niola'u taumatan Israel, apan mapaarau-U wuassu Wal᷊e-U! Wette, sarun Ta'u ita'e si'o manga inolaanna apan lembon maarantinna lai.”

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

AMOS 8:12

Taumata sarun lumallele wuassu sawannakka watukku timukka wuṛṛu wuassu ra'i watukku warṛṛatta tadea'u maasomba tanata-U, arawe i mangitou tawe maasomba.

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

LUKAS 5:16

Wua'udde Mawu Yesus inaite inumal᷊iomanna su tampa apan mal᷊annaba.

YOHANES 7:34

I yamiu sarun maddea'a si Ya'u, arawe tawe maasomba si Ya'u; ana waugu i yamiu tawe maaranta su tampa atatanaang-Ku.”