HOSEA 4:2 - WUKE SUSI WATTI'U AL᷊AL᷊USASSA

² I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

HOSEA 4:2 Iomraidhean Croise

PANDARIADDI 4:8

Ana see unni i Kain si Habel, tuarine, “Wette iaddua inai su wailla.” Su tempo itarua na'omate isudde, i Kain namangalo wuṛṛu namate si Habel tuarine.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.

YEREMIA 6:7

Su ereapa al᷊imatan kua'e mappasabbangngu ua'e mapia, aroddi lai soa udde sidutu mappasabbangngu al᷊al᷊eo. Tumba'u watti'u araṛṛagissa wuṛṛu pallaṛṛampassa apan Ta'u niaringiṛṛanna waussu soa udde; lessa wuṛṛu radda'a Ta'u niasiloanna su al᷊awo'u tampa.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 7:23

Ahewallu wanua nabbal᷊i nassongkakka; suapan tampa pia pamamate wuṛṛu araṛṛagissa.

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

HOSEA 10:4

I mangitou mattaṛṛupassi wuṛṛu makkiinnu paaire awusu see mangngaukku paaire apan tawe gunane. Tita niwal᷊elong na'oman sara wawahia tinumuwo ere sasuanna pia sukkanne su wawail᷊anna apan buatte nipasolla.

HOSEA 12:14

Mawu nandolokku sangkatou nabi iapaapiddu taumatan Israel su mabbangnga wuassu patataṛṛuallanga su Mesir, wuṛṛu tadea'u mallu'adda si mangitou.

HOSEA 5:2

wuṛṛu naal᷊ihidda paṛṛabba apan mal᷊al᷊umma su Sitim. Ana waugu udde i Ya'u sarun makkuumanni i yamiu sarangkanambone!

HOSEA 6:8

Gilead uddewe soa apan napenen taumata lal᷊eo wuṛṛu taṛṛa pate.

HOSEA 6:9

Manga imam su soa udde ere ammul᷊annu taumata taṛṛa ṛampassa apan mangngamo manga taumata sumabbi. Su lal᷊anna apan mattudda tampa susi su Sikhem i mangitou lai ma'ola'a pamamate! Anambon al᷊al᷊eo udde niola'i mangitou ringannu pattatudda.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

HOSEA 7:3

Mawu nabbisara, “Ringanu wawahia wuṛṛu inolaana apan dal᷊eo tumanangnge mattinsahadda malluassa naungngu ratu wuṛṛu manga temboanannu araratuanna.

HOSEA 7:4

I mangitou sarangkanambone taṛṛa awusu wuṛṛu taumata apan tawe satia. Ararantinni mangitou naal᷊ihidda putungnga sulal᷊ummu sungilla apan tawe niṛṛunuttu. Maaola'a roti tantal᷊anna tamponna taambe nasaddia lol᷊oanna.

MIKHA 3:2

Arawe i yamiu lembon maddantinnu apapia, wuṛṛu apapia, wuṛṛu mal᷊uassa ringannu al᷊al᷊eo. Walahangku niluussi yamiu ta'e wiakka, wuṛṛu i yamiu naṛṛaen ṛemessi mangitou manga duṛṛine.

MIKHA 3:9

Paddaringikke manga wisara'u indi, ei i yamiu tembonannu Israel apan maddantinnu atatul᷊idda wuṛṛu mammal᷊elongngu apapia.

MIKHA 6:10

Su wal᷊en manga taumata lal᷊eo pia darotongnga apan niasombanganna ringannu wawahia. I mangitou mappaattu aul᷊aanna ipallinga, sambau inolaanna apan i Ya'u iaarantinna. Taumata apan na'ola'a udde sarun i Ya'u iṛṛuumanna.

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.

ZEFANYA 3:1

Niawontohante Yerusalem, soa mal᷊awangnga apan apulune mammangalo Mawu wuṛṛu mangngallanga tumanangnge sassane!

ZAKARIA 5:3

Wua'udde i tou nabbisara si ya'u, “Su wuke lal᷊ul᷊unanna udde uawoṛṛetta wawontoga su ahewallu wanua indi. Su ul᷊appane paarorone uawoṛṛetta manungku suapan taṛṛa ta'o sarun iapasabbangnga wuassu wanua indi. Wuṛṛu su sangkulappa waine uawoṛṛetta manungku suapan taumata apan massalu awusu lai sarun iapasabbangnga.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

TAHIUL᷊E 5:11

Imbaṛṛangnga walate asaggonen arang-Ku, ana waugu i Ya'u, Mawu Ruatanu, makkuumannu taumata apan walate asagone arang-Ku.

TAHIUL᷊E 5:18

Imbaṛṛangnga sumandaga.

TAHIUL᷊E 5:19

Imbarangnga manna'o.

1 TESALONIKA 2:15

Manga taumata udde namate Mawu Yesus wuṛṛu manga nabi, see nanansara si yami. I mangitou masseettu anambon taumata, wuṛṛu Ruata atonna-tonna tawe mal᷊uassa si mangitou.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.