HOSEA 4:18 - WUKE SUSI WATTI'U AL᷊AL᷊USASSA

¹⁸ Napawe niwu'anne ana waugu na'inumma anggore tumaniten manambo, i mangitou sussandaga ringannu maluassa. I mangitou mappianne lallobbosanna sul᷊ungnge aaddatanna.

HOSEA 4:18 Iomraidhean Croise

PANDARIADDI 38:24

Iraṛṛangngo tallu wul᷊ana wua'udde i Yehuda naaringikka watti'a manungku i Tamar mananambone buatte nail᷊al᷊ihidda wawine masandaga wuṛṛu piate illoṛṛo. Ana see i Yehuda mamarenta, “Al᷊appe i tou wuṛṛu tambuna'e ma'oman sara mate!”

DARALO 47:9

Ruata ua'ianna su adderan araratuan-Ne apan susi; i Tou uaparenta manga walahanna.

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

YEREMIA 2:21

I'o Ta'u nisuanna ere punnu anggore apan Ta'u nipile wuassu wualanna apan apianne. Arawe orassa indi i'o nawal᷊ute, naola'a sasuanna lul᷊u wuṛṛu tawe gunane.

YEHEZKIEL 16:15

Arawe i'o nassal᷊a paattu araṛṛamagu see awawangngin arannu. I'o mattiilla ringannu suapan esakka apan sumabbi isudde.

HOSEA 4:10

I yamiu sarun umanna wuassu manga sasamba apan nionggolla, arawe i yamiu sidutu mal᷊unussa. I yamiu sarun massubba manga mongannu asasuwukka, arawe tumanangnge mangke tawe aatambanna, ana waugu i yamiu buatte nanantang-Ku wuṛṛu massubate manga mawu waine.”

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

HOSEA 9:10

Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

AMOS 5:12

I ya'u masingkatta aroddi ahewalle al᷊al᷊aeonu wuṛṛu aroddi anambone rosanu. I yamiu mangngallangnga taumata mapia; i yamiu mannengkamma roittu aonggolla wuṛṛu namalan taumata asiangnga a'olaanna ringannu tawe atatul᷊idda su pallaṛṛuunganna.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.