HOSEA 4:14 - WUKE SUSI WATTI'U AL᷊AL᷊USASSA

¹⁴ Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’

HOSEA 4:14 Iomraidhean Croise

1 MARARATU 15:12

Anambon sumasandaga mammanara su manga tampa pasasubbanna monganna nilimbuaṛṛanne, wuṛṛu anambon paal᷊uanna apan niola'u manga ratu apan namarenta nalliu ṛoro wuassi tou nipappassa wuassu ahewallu wanua.

2 MARARATU 23:7

Manga wabbo'a sulal᷊ummu Wal᷊en Mawu apan ipappaatu manga sumasandaga su kuil, hunan pa'ola'anna sasandaga ere ipassubba monganna, niṛṛamunsa'a. (Su manga wabbo'a udde manga wawine mandadu'u mal᷊aṛenessa apan ipa'atta ipassubba Dewi Asyera.)

AMSAL 28:5

Atatul᷊idda tawe asunnannu taumata lal᷊eo, arawe taumata apan massubba Mawu, atonna-tonna maasunna.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

HOSEA 4:17

Umattu Israel niawono'ante paal᷊uanna. Ana waugu udde wala'e i mangitou.

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

AMOS 2:7

I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

REENGANNA 25:3

Ana waugu taumatan Israel massubba si Baal su Peor, Mawu nasa'u si mangitou wuṛṛu nabbisara si Musa,

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

ROMA 3:11

tawe saran sangkatou apan maasunna wuṛṛu tawe saran sangkatou apan massubba Ruata.

1 KORINTUS 6:16

Ara'e asinungka i yamiu ta'e wagga manungku taumata apan uaammulla suadio'a ringannu sangkatou masandaga, maola'a sambau ringannu taumata masandaga udde! Ana waugu sulal᷊ummu Wuke Susi uawoṛṛetta, “Itarua naola'e sambau.”

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

TAHIUL᷊E 23:17

Sangkatou taumatan Israel, mawae esaka ara'e wawine, tawe wotongnge maola'a masandaga su manga tampan pasasubbanna.

IBRANI 12:8

Amungkangu i yamiu tawe iṛṛuumanna ere al᷊aṛṛanangnge waine indi, yamiu wal᷊ine ana'a suṛṛiwa, ewe'e ana'a uata'a.