HOSEA 4:1 - WUKE SUSI WATTI'U AL᷊AL᷊USASSA

¹ Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

HOSEA 4:1 Iomraidhean Croise

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

DARALO 81:9

Paddaringikke parenta-U, ei al᷊aṛṛana-U, Israel, unnu wisara i yamiu maddaringikka si Ya'u!

YESAYA 1:10

Yerusalem, manga piaṛṛangnge wuṛṛu walahannu naola'a ere taumatan Sodom wuṛṛu Gomora. Paddaringikke apa apan niwisara Mawu si'o, panutukke apa apan niaṛṛa'u Ruata si ite.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 28:14

Paddaringikka apa apan iwisara Mawu, ei manga taṛṛa al᷊uandaga apan uaparenta tumana'u soa su Yerusalem!

YESAYA 34:1

Wette pa'ammulle, ei manga walahanna, wuṛṛu paddaringikke. Wala'e ahewallu runia wuṛṛu sarangkanambone apan biakka sulal᷊umme rumanta wuṛṛu maddaringikka.

YESAYA 34:8

Eteudde tempone Mawu manamba'a Sion wuṛṛu mabbal᷊issa manga seen-Ne.

YESAYA 5:3

Nariaddi orassa indi hawe-U mabbisara, “I yamiu sarangkanambone, tumana'u Yerusalem wuṛṛu Yehuda, ṛuunga'e waillu anggore-U wuṛṛu i Ya'u.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YESAYA 59:8

I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YEREMIA 11:7

Sutempo i Ya'u nangapiddu al᷊amona mangitou sinumabbangnga wuassu Mesir, ringannu ma'ikkatta i Ya'u napanaungnga si mangitou tadea'u matuṛṛutta si Ya'u. Naddatingngu sara orassa indi lai Ya'u ta'e sidutu mappanaungngu uma-U su olangnge udde,

YEREMIA 19:3

I Ya'u ṛinone mabbisara arendi, “Ei manga ratun Yehuda wuṛṛu tumana'u Yerusalem! Paddaringikka si Ya'u, Mawu Apan Lembontaṛṛino, Ruatan Israel, apan mabbisara si yamiu. I Ya'u sarun mandantan asasilaka apan bahewalla su tampa indi ma'oman sara taumata apan maaringikka ṛumindu'a.

YEREMIA 2:4

Paddaringikke tanata Mawu, ei i yamiu pallaṛṛiten Yakub, manga walahannu Israel!

YEREMIA 2:9

Mawu nabbisara, “Orassa indi pabbawala-U Ta'u ipaggatto apia, wuṛṛu papapulunne Ta'u parikisanna.

YEREMIA 25:31

Naddatingngu pentakku runia tingik-Ke nunnalunna; Mawu na'ola'a hatto su saruannu manga walahanna. Anambon taumata sarun parikisanna wuṛṛu iapa lal᷊eo sarun iṛṛuumanna pateanna.’ ”

YEREMIA 34:4

Arawe paddaringikke wisara-U indi su olangngu, Zedekia! I'o tawe nate sulal᷊ummu pangalo,

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

YEREMIA 4:28

Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YEREMIA 5:4

I ya'u naṛṛingidda, “Eh, i mangitou tumba'u tumanangnge lal᷊ebbone apan waggan apa-apa. Inolaanni mangitou woddo, ana waugu wagga apa apan ipaapulu wuṛṛu raddorongannu Mawu Ruata wuassi mangitou.

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEREMIA 9:3

wuṛṛu sidutu uasaddia mangngawusu. Su ahewallu wanua, apapia tawe uataṛṛino, ewe'e lai pallal᷊inga pia marasaine. Mawu nabbisara, “Uma-U ma'ola'a al᷊al᷊eo tawe tawe illol᷊one, i mangitou tawe manga'u si Ya'u ere Ruata mangitou.”

YEREMIA 9:7

Ana waugu udde Mawu Apan Lembontaṛṛino nabbisara, “Ere logamma, uma-U sarun Ta'u sal᷊u'atanna tadea'u i mangitou maola'a tutune. Apa apan wotongnge Ta'u olaanna su saruannu uma-U apan buatte na'ola'a al᷊al᷊eo?

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

HOSEA 12:3

Mawu uatahuanna hatto ringannu walahannu Yehuda; i Tou lai sarun makkuumannu Israel ana waugu pallal᷊aghun mangitou. I Tou sarun mabbal᷊issa inolaanni mangitou.

HOSEA 5:1

Mawu nabbisara, “Paddaringikke, ei manga imam! Panutukke, ei taumatan Israel! Paddaringikke, ei manga taumata papapulunnu ratu! Ṛuumanna buatte niema'a si yamiu. Ana waugu, ṛinone i yamiu makkuungnga ringannu atatul᷊idda, arawe nawal᷊i'a i yamiu naola'a ere sedda su Mizpa, naal᷊ihidda wal᷊ati'a su Wowon Tabor,

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

YOEL 1:2

Paddaringikke, ei manga timma-timmadde; panutukke, anambon taumata su Yehuda. Buattewe olangnge indi nariaddi su temponu, ara'e sutempon manga iupungngu al᷊amonanu?

AMOS 3:1

Paddaringikke tanatan Mawu indi, ei walahannu Israel apan buatte niapiddu Mawu sinumabbangnga wuassu Mesir! Mawu nabbisara,

AMOS 7:16

Ne ana waugu udde paddaringgkke apa apan iwabbal᷊on Mawu si'o. Ana waugu i'o manninga'u mannase manal᷊are walahannu Israel.

MIKHA 6:2

Ei manga wowone, ei manga wantan dunia, paddaringikke aansillu Mawu! I Tou pia gatto ringannu Israel uman-Ne wuṛṛu manassu si mangitou.

YOHANES 8:55

arawe i yamiu tawe maaillal᷊a si Tou. Arawe i Ya'u maaillal᷊a. Amungkangngu i Ya'u mabbisara manungku i Ya'u tawe maaillal᷊a si Tou, ne i Ya'u sangkatou taṛṛa awusu, ere lai yamiu. I Ya'u maaillal᷊a si Tou wuṛṛu tuttuṛṛutta wisara-Ne.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 2:29

Isai-sai wotongnge maaringikka ṛinone manutukka apa apan iwabbisara Ghaṛṛahon Ruata su manga jamaatta!”