HOSEA 3:4 - WUKE SUSI WATTI'U AL᷊AL᷊USASSA

⁴ Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

HOSEA 3:4 Iomraidhean Croise

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

PANDARIADDI 31:34

Tantal᷊ana udde i Rahel buatte nanganu paal᷊uanna udde wuṛṛu nitaṛṛo sulal᷊ummu pato'a aiananna su liuddu unta, wuṛṛu i tou sassane ua'ianna su aiananna udde. I Laban namarikissa ahewallu rasanni Rahel, arawe tawe naasomba paal᷊uanna udde.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

2 SAMUEL 6:14

Wua'udde i Daud massal᷊aingke ringannu naungnga mal᷊uassa su ipangaddatta Mawu. Su orassa udde i tou tumba'u ual᷊uṛṛen nasa linen ma'autta wuṛṛu nireṛṛotta su tapanangnge.

2 MARARATU 23:24

Su mappaamattu manga tita apan uawoṛṛetta sulal᷊ummu wuke apan niasombanganni Imam Bahewa Hilkia su Wal᷊en Mawu, sarangkanambone apan taṛṛa waggo ṛimuudda wuṛṛu taṛṛa si'atta nilimbuaṛṛani Ratu Yosia wuassu Yerusalem wuṛṛu wuassu ahewallu leta'u Yehuda, ana see i tou nandamonen anambon mongannu amonanna, paal᷊uanna, wuṛṛu manga saranapa apan ipappaatta ipassubba manga monganna.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

SASABANGNGA 28:4

Doloṛṛa'a lai i mangitou ma'ola'a lal᷊indumma ro'o, laubbu imam, jubah, kameja nikarawanga, paporongnga wuṛṛu papeṛṛetta. Laubbu imam udde ṛinone olaanni mangitou hunan i Harun iaangngu wuṛṛu al᷊aṛṛanangnge tadea'u wotongnge mangimbe si Ya'u ere sangkatou imam.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

YEHEZKIEL 20:32

I yamiu maapulu massulungngu manga walahanna waine wuṛṛu tumana'u manga wanua waine apan maasubba aaluanna wuṛṛu watu. Arawe apulunu udde tawe maola'a.’ ”

YEHEZKIEL 21:21

Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

HOSEA 13:10

I yamiu maddorongnga ratu wuṛṛu piaṛṛa'a, arawe suapate i mangitou sarangkanambone orassa indi? Wotongngewe i mangitou manal᷊amatta tumanangngu?

HOSEA 13:11

Ringannu nasa'u i Ya'u nangonggollu ratu si yamiu, wuṛṛu ringannu maṛṛagissa i Ya'u nangul᷊e si mangitou apia.”

HOSEA 2:11

Al᷊awo'u andeangnge sarun Ta'u iapaaddo, mawae andeangngu tonna aroddi lai andeangngu wul᷊anna wuṛṛu manga allon Sabat; aune, al᷊awo'u andeangngu pangangagamane.

IMAMATTA 8:7

Wua'udde i tou nalluṛṛeten laubbu imam si Harun: kemeja, papeṛṛetta wuṛṛu jubah. Wuṛṛu lai laubbu imam apan niwa'issa su lawassa ringannu aiinne wuassu mal᷊aṛṛenessa al᷊ussa.

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

IBRANI 10:26

Ana waugu amungkangu watti'a apan atonna wuassu Ruata suete niapassingkata si ite, arawe i ite sidutu ma'ola'a rosa ringannu apulu naungnga, ne tate lai sasamba ipamappasa rosang kite.

MAL᷊AṚṚUUNGNGA 17:5

I Mikha sassane piate sambau tampa pasasubbanna. I tou nallanginnu manga pira paal᷊uanna sassubbanna wuṛṛu samparassa efod ana see nanenegu sangkatou anangnge esakka maola'a imam.

MAL᷊AṚṚUUNGNGA 18:14

Siri lima matataṛaso'o apan dorone nirolokka udde nabbisara manga hawene, “I yamiu masingkate manungku su wal᷊en indi pia sambau paal᷊uanna apan papi'unannu sal᷊a'a? Pia lai manga paal᷊uanna waine wuṛṛu Efod. Ṛingira'e apa ṛinone olaanni ite.”

MAL᷊AṚṚUUNGNGA 8:27

Wuassu wul᷊awanna udde, i Gideon na'ola'a sambau paal᷊uanna sassubbanna, ana see niaddo su ampungnge, eteudde su Ofra. Anambon taumatan Israel inaite poiaroddi massubba paal᷊uanna udde, na'oman sara i mangitou naabul᷊iten Ruata. Wuṛṛu olangnge udde maola'a sambau wal᷊ati'a si Gideon wuṛṛu al᷊aṛanangnge.

1 SAMUEL 14:3

(Imam apan uaapiddu efod eteudde i Ahiya ana'i Ahitub, eteudde tuṛṛangngi Ikabod wuṛṛu i Pinehas wuṛṛu lai i Pinehas ana'i Eli, imam su Silo.) Tumanangnge lai wagga manungku i Yonatan nanantangken tampa udde.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

1 SAMUEL 2:18

Tantal᷊anna udde, i Samuel apan ta'e al᷊aṛṛana'a udde sidutu mangngimbe Mawu. I tou ual᷊uṛṛen laubba al᷊aṛṛaene wuassu linen, naal᷊ihidda laubbu patataṛṛamawun manga imam.

1 SAMUEL 21:9

Ana see i Ahimelekh sinumimbakka, “I ya'u uasahipunna hal᷊elen Goliat, taumatan Filistin apan buatte nipatenu su Wawal᷊annu Ela udde; hal᷊ele udde poi su liuddu efod, papi'unannu mal᷊aṛṛenessa. Amungkangu i'o mappulu, anute, ana waugu tumba'u udde ahidda apan uaraddo isindi.” Daud nabbisara, “Hal᷊ele udde hal᷊ele apan apianne su ahewallu wanua, onggol᷊a'e udde si ya'u!”

1 SAMUEL 22:18

Ana waugu udde i Saul nabbisarate si Doëg, “Otte paal᷊ihakka! I'ote pamate si mangitou!” Ne i Doëg namatete manga imam udde. Su allo udde lai i tou namate ual᷊u pul᷊o l᷊ima su atoune imam apan pia taṛṛino malluṛṛen efod.

1 SAMUEL 23:6

Sutempo i Abyatar ana'i Ahimelekh tinumal᷊angngu watanganne ringanni Daud, wuṛṛu uaṛundinganna si Daud watukku Kehila, i tou lai uaapiddu efod.

1 SAMUEL 23:9

Arawe i Daud masingkatte manungku i Saul pia pandumma lal᷊eo si tou. Ana waugu udde i tou nabbisara si Imam Abyatar, “Apira'e efod udde isindi.”

1 SAMUEL 30:7

Ana see i Daud nabbisara si Imam Abyatar ana'i Ahimelekh, “Apira'a efod udde inawarendi!” Ne i Abyatar nangapiddu Efod udde ringanni Daud.