HOSEA 3:1 - WUKE SUSI WATTI'U AL᷊AL᷊USASSA

¹ Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

HOSEA 3:1 Iomraidhean Croise

2 SAMUEL 6:19

Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

2 MARARATU 13:23

Arawe Mawu marangnge walahan-Ne wuṛṛu nangampunga si mangitou. I Tou maddiri mamalan mangitou pateanna, arawe nangontolla si mangitou, ana waugu pa'aire-Ne si Abraham, si Ishak wuṛṛu si Yakub. Na'oman sara orassa indi i Tou tawe maabul᷊in walahan-Ne.

1 TAWARIKH 16:3

ana see nattahia anna si mangitou sarangkanambone. Suapan taumata isudde mawae ete esakka aroddi lai wawine naasomba sanduru ṛemessa buatte tinapa, roti wuṛṛu kismis.

NEHEMIA 9:31

Arawe ana waugu darangngu-Nu tumaniten bahewalla, I'o tawe nanantangnga ara'e nakkimunsa'a si mangitou. Atonna, ete I'o Ruata apan taweddu panumandinganne; tumaniten bahewalla aakkan-Nu, napenen darangngu!

DARALO 123:2

Naal᷊ihidda sangkatou allangnga apan uaantimma mawune, wuṛṛu sangkatou allangnga wawine su wo'i mawune, etearoddi i yami uaṛaddo Si'o, oh Mawu, Ruatan kami, ma'oman sara I'o umakkanni yami.

SASABANGNGA 32:6

Tiṛṛabbine marua' allo maṛṛanggapa, manga taumatan Israel nangapiddu manga pira winatangnga olaanna sasamba itattambunna, wuṛṛu manga pira lai olaanna sasamban paddarame. I mangitou niuma'ianna u'anna wuṛṛu ma'inumma, ana see nabbuatta ana waugu lulluassa.

ANTARI MAWANTUGA 2:5

Tohassawe i ya'u ringannu temangngu wuan anggore, tohassawe i ya'u ringannu wuan apel, ana waugu i ya'u maradda'u paapulu.

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

HOSEA 7:5

Su allon andeangngu ratu, na'ola'a ratu wuṛṛu manga tembonanne na'inumma anggore na'oman sara niwu'anne wuṛṛu na'ola'a inolaanna apan longonna. Panginsuenne ratu mallal᷊umanna'a ringannu manga taumata apan nampabbaha udde.

AMOS 2:8

Suapan tampa patataṛṛamawuanna, manga taumata mattiilla ringannu laubba apan nianun mangitou maola'a wataṛṛun awalassu taumata asiangnga. Su Wal᷊en Ruatan mangitou, i mangitou ma'inumma anggore apan nianun mangitou wuassu taumata apan pia awallassa si mangitou.

AMOS 6:6

I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

MATIUS 26:50

Mawu Yesus sinumimbakka, “Tuṛṛangnga, apa pandumannu rumanta isindi?” Wua'udde taumata nambo udde nilumempangnga lapiddu nanametta Mawu Yesus.

1 KORINTUS 10:21

I yamiu tawe wotongnge ma'inumma wuassu tampa pa'inumannu Mawu, wuṛṛu wuassu tampa pa'inumannu ghaṛṛaho lal᷊eo lai. Yamiu tawe wotongnge umanna su medda Mawu, wuṛṛu wuassu medda ghaṛṛaho lal᷊eo lai.

1 KORINTUS 10:7

Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.

MAL᷊AṚṚUUNGNGA 9:27

I mangitou inaite nani'o anggore su manga wawail᷊annu anggore, ana see niola'a ua'en anggore wuṛṛu na'ola'e andeangnga. I mangitou u'anna, ma'inumma su tampa passubbanna monganni mangitou lapiddu mantal᷊an Abimelekh.