HOSEA 2:5 - WUKE SUSI WATTI'U AL᷊AL᷊USASSA

⁵ Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

HOSEA 2:5 Iomraidhean Croise

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YEREMIA 11:13

Manga mawun taumatan Yehuda manambo atonna, anambone ere manga soa mangitou. Tumana'u Yerusalem napararisikku manga mezbah anambone ere manga lal᷊anna su soan Yerusalem ipangonggollu sasamba su Monganna Baal.

YEREMIA 13:22

Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.

YEHEZKIEL 16:39

I'o sarun Ta'u itantilla su manga arangnguannu udde, wuṛṛu i mangitou sarun mapaṛṛa'a manga tampa i'o sussandaga wuṛṛu massubba paal᷊uanna. Al᷊awo'u laungngu wuṛṛu lal᷊ogakku sarun aṛṛoanni mangitou, ma'oman sara i'o matantol᷊e.

YEHEZKIEL 16:4

Sutempo niasungkangnga taweddu namototta pusiddu, ara'e nandeno si'o, ara'e namuṛṛan asimma, ara'e nangoossu nasa.

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

HOSEA 2:2

Mawu nabbisara, “Ei manga ana-U, inangngu wal᷊ine awing-Ku, wuṛṛu i Ya'u wal᷊ine awingnge. Ana waugu udde, hattoa'e i tou tadea'u i tou tate ma'ionolaanna lal᷊eo wuṛṛu sumandaga apia.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

HOSEA 3:1

Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

HOSEA 4:5

Allo ṛabbi i yamiu ma'ola'a pasasal᷊a, aroddi lai manga nabi. Ana waugu udde i Ya'u sarun manginsue Israel, inangngu.

HOSEA 8:9

Naal᷊ihidda keledai matengnga apan mabbu'attikka, aroddi lai manga taumatan Israel tuttuṛṛutta apulune sassane. I mangitou madde'a sasumbala wuassu Asyur, wuṛṛu namalli paggahahawe su manga walahanna waine.

HOSEA 9:10

Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

AMOS 8:13

Su allo udde ewe'e lai manga taumata saṛṛen tumuwo apan lal᷊umannangnge lai mapia sarun mawantingnga ana waugu narou.

MAL᷊AṚṚUUNGNGA 16:23

Su allo sambau manga tembonannu Filistin na'ammula ma'ola'a andeangnga wuṛṛu suadio'a mangonggolu sasamba apan wahewalla si Dagon, monganni mangitou. I mangitou mangngantari, “Monganni ite buatte nangonggolu auntunganna si ite i Simson, seetti ite!”