HOSEA 2:18 - WUKE SUSI WATTI'U AL᷊AL᷊USASSA

¹⁸ Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

HOSEA 2:18 Iomraidhean Croise

AYUB 5:22

Amungkangngu araṛṛagissa wuṛṛu ṛutumma rumanta, i'o sarun matammudda ewe'e lai lullage. I'o tawe maapendamma atata'utta ara'e suminggawangnga, sumaruanna winatangnga mal᷊aṛṛaga wuṛṛu maṛṛagissa.

AYUB 5:23

Wailla apan pajekoannu sarun tawe batune; winatangnga matengnga sarun tawe tumambo si'o.

DARALO 148:10

anambon winatanga papadul᷊iananna wuṛṛu winatanga matengnga, anambon winatanga tuttundon tianne wuṛṛu manga manu'u winalanganna!

DARALO 23:2

I Tou napal᷊allowangku su wadda'u nannal᷊o apan ma'elomma. I Tou nagehetta si ya'u watukku ua'e apan matilangnga.

DARALO 46:9

Wette, pa'ellege apa apan nimanaran Mawu; aroddi maatiangnga manara-Ne su runia!

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

YESAYA 2:4

I Tou sarun makkuungngu manga pabbawalaga, wuṛṛu makkawessu hatton manga ṛuangannu walahanna. Hal᷊ele sarun horapanna maola'a pajeko, wuṛṛu sambeangnga olaanna lari'a papol᷊o. Manga walahanna tate lai mamangalo, tate lai uasasaddia inai mappangalo.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 32:18

Umattu Ruata sarun mapallossa wuassu asasusa wuṛṛu mabbiakka su tampa mal᷊annabba wuṛṛu mal᷊angnganna.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YESAYA 65:25

Serigala wuṛṛu ana'u domba su sampunna u'anna nannal᷊o; singa u'anna laṛṛami ere lai sapi, wuṛṛu atoanna tate lai maasilaka. Su ahewallu wui-U apan na'ukkassa, taweddu lai apan mallinga ara'e ma'ola'a al᷊al᷊eo.”

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YEHEZKIEL 39:1

Mawu Apan Atanggaṛṛanne nabbisara, “Ei taumata apan mattate, wansaha'e i Gog, ratu mawantuga wuassu manga wanua Mesekh wuṛṛu Tubal, wuṛṛu wal᷊oa'e si tou manungku i Ya'u indi seenne.

ZAKARIA 14:4

Su allo udde i tou sarun dumarisikka su Wuiddu Zaitun, su samba'an ra'in Yerusalem. Ne Wuiddu Zaitun sarun pesangannu wawal᷊anne apan mal᷊alangnga, matanattakka wuassu ra'i maddatingngu waṛṛatta. Sambageanganna wuassu wuidda udde sarun umal᷊ore watukku sawannakka, wuṛṛu sambageanganna lai watukku timukka.

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ZAKARIA 3:10

Napawe allo udde nia'omante, suapan taumata sarun mannote al᷊indonganne tadea'u rumanta wuṛṛu mamendamma paddarame wuṛṛu atatammudda su pattangngannu manga wawail᷊annu anggore wuṛṛu manga punnu alu ara.”

ZAKARIA 9:10

Mawu nabbisara, “Manga keretan pangalo wuassu Efraim sarun Ta'u iramme, anambon awal᷊o su Yerusalem sarun Ta'u iapaawul᷊i wuṛṛu al᷊awo'u anaanna sarun Ta'u ṛimunsaanna. Ratunu sarun umal᷊iatan paddarame su manga walahanna. Wuassu tahal᷊oangnga watukku tahal᷊oangnga i Tou uataṛṛino, wuassu Sal᷊ukku Efrat maddatingngu pentakku runia.”