HOSEA 2:15 - WUKE SUSI WATTI'U AL᷊AL᷊USASSA

¹⁵ Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

HOSEA 2:15 Iomraidhean Croise

1 MARARATU 16:31

Tawe tumba'u mabbiakka marosa ere Ratu Yerobeam, i tou ewe'e lai na'awingngi Izebel ana'i Ratu Etbaal wuassu Sidon, wuṛṛu i tou mattaṛṛamawu si Baal.

DARALO 106:12

Ana see al᷊aṛṛanang-Nge nangimante paaire-Ne wuṛṛu nangantariten daralo si Tou.

DARALO 129:1

Aantarin patatembo. Israel, wal᷊oa'e ereapa i'o sassansarannu seetta ro'en i'o ta'e umbasanna.

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YESAYA 65:21

Taumata sarun mapararisikku wal᷊en wuṛṛu matana'a sassane; taumata waine sarun tawe maatana'a. I mangitou sarun massuannu waillu anggore wuṛṛu ma'inumma ua'ene; taumata waine sarun tawe mapa'inumma. Uma-U uukke sarun mal᷊o'engnga ere punnu alu, wuṛṛu maatemma hessin inasaharanni mangitou.

YEREMIA 2:1

Mawu nandolo'u

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 3:4

Sutempo asasuṛṛipinnu udde i'o nabbisara si Ya'u manungku i Ya'u iamangngu, manungku i Ya'u marangngu si'o ro'en ta'e addio'a.

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

LAL᷊ALLU 3:21

Salaiwe aroddi antimma nilumapputta apia, sutempo i ya'u naanaungnga olangnge indi:

YEHEZKIEL 16:22

Sulal᷊ummu pabbiaṛṛannu apan maarantinna ere sumasandaga udde, sara addio'a lai tate mannaungnga i'o ta'e addio'a dorone, sutempo i'o tantol᷊e wuṛṛu tuttondo sulal᷊ummu laikku daṛṛanu sassane.”

YEHEZKIEL 16:60

Arawe i Ya'u sarun mannaungnga pa'aire apan buatte Ta'u niola'a ringannu sutempo i'o ta'e dario'a wuṛṛu ma'ola'a paaire ringannu apan ola'anna saran mal᷊annu-l᷊annu.

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

HOSEA 12:9

‘I ite orassa indi ala,’ unni mangitou. ‘I ite naantungnga! Tawe saran sangkatou apan wotongnge mangansilla manungku i ite naasomba paa'ala udde ringannu olangnge mallinga.’

HOSEA 13:4

Mawu nabbisara, “Ete i Ya'u Mawu Ruatanu, apan nagapiddi yamiu sinumabbangnga wuassu Mesir. I yamiu tawe uatahuanna Ruata waine tumba'u i Ya'u. Ete i Ya'u sassane apan nanal᷊amatta si yamiu.

HOSEA 2:12

I Ya'u sarun mapaate manga punnu anggore wuṛṛu manga alu ara apan tumuṛṛutti tou uddewe lal᷊antakku pangangimbene su manga arangnguanne. Sarun Ta'u wal᷊uanna manga waillu anggore wuṛṛu manga waillu ara mabbal᷊i mahurangnge; manga winatangnga mal᷊aṛṛaga sarun manggohakka.

AMOS 9:14

I Ya'u sarun ma'ola'a uma-U Israel mal᷊angnganna apia. I mangitou sarun mapararisikka apia manga soan mangitou apan nassongkakka, ana see i mangitou matana'a poiaroddi. I mangitou sarun massuanna manga wawail᷊annu anggore, wuṛṛu ma'inumma anggorene. I mangitou sarun mabbailla, wuṛṛu umanna pabbawuan inasaharanne.

ZAKARIA 9:12

Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

REENGANNA 21:17

Su tempo udde walahannu Israel mangngantarin antari indi, “Ore manga paṛṛihi, pasabbanga'e ua'enu, yami sarun manal᷊oho ṛingannu antari.

YOHANES 10:9

Ete i Ya'u ngara. Isai apan sumutta sumabbi si Ya'u, sarun masal᷊amatta; i tou sumabangnga wuṛṛu sumutta sarun maasomba wiakka.

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

YOSUA 7:26

Ana see tampa udde niomboanni mangitoun batu, wuṛṛu na'oman sara allo indi ta'e poiaroddi. Ana waugu udde tampa udde isassago Wawal᷊annu Asasusa. Ne nompo'e asasa'u Mawu.

MAL᷊AṚṚUUNGNGA 8:34

I mangitou tate mattaṛamawu Ruata, Mawu mangitou, apan buatte namallossi mangitou wuassu taṛinon anambon seetta apan uapal᷊iwutta si mangitou.