HOSEA 2:12 - WUKE SUSI WATTI'U AL᷊AL᷊USASSA

¹² I Ya'u sarun mapaate manga punnu anggore wuṛṛu manga alu ara apan tumuṛṛutti tou uddewe lal᷊antakku pangangimbene su manga arangnguanne. Sarun Ta'u wal᷊uanna manga waillu anggore wuṛṛu manga waillu ara mabbal᷊i mahurangnge; manga winatangnga mal᷊aṛṛaga sarun manggohakka.

HOSEA 2:12 Iomraidhean Croise

DARALO 80:12

Rannane uatondo naddatingngu Tahal᷊oangnga Tangngane, manga lal᷊uwone naddatingngu Sal᷊ukku Efrat.

YESAYA 29:17

Pia sasanato'a apan tingikke arendi, “Tate mal᷊annu lai mahurangnge sarun maola'a pabbail᷊anna, wuṛṛu leta'a pabbail᷊anna apia maola'a mahurangnga.”

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YESAYA 7:23

Sutempo udde manga wawail᷊annu anggore apan sambau-sambau nisuanannu saṛṛiwu su punnene wuṛṛu aregane saṛṛiwu lai roitta sal᷊a'a, sarun tuwoannu aputta ṛoaanna.

YEREMIA 13:26

I Ya'u sassane sarun manggesa'a laubba wuassu waddangngu tadea'u i yamiu matantol᷊e wuṛṛu masili.

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

HOSEA 13:8

I Ya'u sarun mamangalo si yamiu ere beruang apan niawul᷊iannau manga anangnge. I Ya'u sarun manggaissa si yamiu. Naal᷊ihidda singa i Ya'u sarun tumambo si yamiu su tampanu, wuṛṛu naal᷊ihidda winatangnga malaṛṛaga i Ya'u mangke manggesa'a si yamiu.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.