HOSEA 14:5 - WUKE SUSI WATTI'U AL᷊AL᷊USASSA

⁵ Mawu nabbisara, “Uma-U apan sinumewadda, Ta'u al᷊apanna apia wuṛṛu Ta'u iakkanna ringannu ahewallu naungnga; i mangitou tate Ta'u wul᷊oanna apia.

HOSEA 14:5 Iomraidhean Croise

2 SAMUEL 23:4

I Tou naal᷊ihidda semakku matannallo lullansiangnga sutempo marua'allo napawe langitta matilangnga. I Tou naal᷊ihidda semakku matannallo napawe wua nanguranna napangelomma nannal᷊o maṛṛansangnga lullendappa.”

2 MARARATU 19:30

Taumatan Yehuda apan ta'e mabbiakka su al᷊al᷊uassa ere sinuananna apan malal᷊umma ṛamunne wuṛṛu napasabbangu wuane.

AYUB 29:19

I ya'u naal᷊ihidda aal᷊uanna apan masuwukka tatuwone, ṛamutta ua'ene natimu wuṛṛu wal᷊angngukka maṛṛolo rannane.

DARALO 133:3

Ara'e naal᷊ihidda angngukku Wowon Hermon, apan nangelekka watukku Wuiddu Sion. Ete poiaroddi Mawu nanossokku al᷊aman-Ne, ipabbiakka saran mal᷊annu-l᷊annu.

DARALO 72:16

Antimanna ganduma lumambalanna su ahewallu wanua, wuṛṛu manga wuidde napenen hessin sasuanna. Antimanna letange masuwukka ere Panenteannu Libanon, wuṛṛu tumana'u soane aatambanna naal᷊ihidda nannal᷊o su wadda'a.

DARALO 72:6

Antimanna i tou ere uranna apan nangansalla su wadda'a, naal᷊ihidda uranna masassaga apan nangammo manga wawail᷊anna.

DARALO 80:9

Uman-Nu naahil᷊idda punnu anggore apan niingkan-Nu wuassu Mesir. Manga walahanna waine nilimbuaṛṛan-Nu, ana see alu udde nisuan-Nu su wanuan mangitou.

DARALO 92:12

I ya'u naasilo ararugin manga see'u, manga taumata apan buatte nilumawanga si ya'u, hol᷊agi mangitou apan lal᷊eo niaringiṛṛangkute.

DARALO 92:13

Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

ANTARI MAWANTUGA 2:16

Tatuno naungku pussaa'u, wuṛṛu ia'i tatahuananne, i tou mallu'adda manga dombane suwallattu manga bunga hal᷊ohomma

ANTARI MAWANTUGA 4:5

Susunu naal᷊ihidda ana'u rusa darua, ana'u kijangnga ṛindua apan tantal᷊anna mannioma suwallattu manga bunga hal᷊ohomma.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YESAYA 18:4

Mawu nabbisara si ya'u, “Wuassu atatanaang-Ku al᷊iurosone, i Ya'u sarun mangintanno inawa ringannu matammudda wuṛṛu matilangnga, ere atatammuddu wal᷊angngukka apan naola'a sutempo ṛabbi apan masal᷊ihangnga sutempon pangangitingnga, wuṛṛu ere asemakku matannallo sutempo allo.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 45:8

Wuassu langitta i Ya'u nanossokku auntunganna ere uranna, runia namu'a watanganne ipanengkamma, ana see napatuwon asasal᷊amatta wuṛṛu apapallossa; i Ya'u Mawu apan na'ola'a udde nariaddi.”

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

MIKHA 5:7

Taumatan Israel apan ta'e uatana'a suwallattu manga walahanna sarun ere singa su pattangngannu manga winatangnga su mahurangnge ara'e su pattangngannu ammulannu domba su wadda'u nannal᷊o. Singa udde sinumutta su pattangngannu ammul᷊annu domba udde lapiddu maṛṛinda wuṛṛu mangke nanggaissa; tadewu apan naapallossu manga domba udde.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MATIUS 6:28

Anio i yamiu sussinggawangnga su ola'u peddennu? Panutukka manga wunga bakung apan tuttuwo su wadda'a. Anambon wungane udde tawe mammanara wuṛṛu tawe mandadu'a;

LUKAS 12:27

Panutukka ereapa manga wunga bakung tumuwo, manga wunga udde tawe mammanara, tawe lai mandadu'a. Arawe i Ratu Salomo apan paa'alane aroddi anambone tawe malluṛṛen laubba aṛṛamage ere manga wunga udde!

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.