HOSEA 14:2 - WUKE SUSI WATTI'U AL᷊AL᷊USASSA

² Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

HOSEA 14:2 Iomraidhean Croise

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

2 SAMUEL 24:10

Arawe napawe i Daud buatte nandeengngu walahanna udde, i tou naapendamma pasasal᷊a, wua'udde i tou nabbisarate Mawu, “Oh Mawu, i ya'u tumaniten marosa! Ampungewe i ya'u, ana waugu inolaangku udde tumaniten longonna.”

AYUB 7:21

Apa I'o tawe mapangampungnga rosa'u? Tawe wotongnge I'o mapamappassa pasasal᷊a'u? Ete addio'a lai i ya'u lumallowangnga su lal᷊abbinganna, ne amungkangngu I'o maddea'a si ya'u, i ya'u tate asombangan-Nu.”

DARALO 119:108

Daringiṛṛewe aal᷊iomannu aadiangkamangku, oh Mawu, wuṛṛu i ya'u tantiroiwen manga tita-Nu.

DARALO 50:14

Onggola'e sasamba adiangkamanna su Ruata, panipusse paairenu si Tou Apan Atanggaṛṛanne.

DARALO 51:16

Liuaawe i ya'u wuassu papate, oh Ruata mananal᷊ama'u, ne ringannu lullala'a i ya'u sarun mamasingkattu atatul᷊iddu Mawu.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 6:7

I tou nangeṛṛetta wiwi'u ringannu waṛṛa udde, see nabbisara, “Waṛṛa indi buatte nieṛṛetta su wiwikku, orassa indi pasasal᷊anu buatte nipappassa wuṛṛu rosanu buatte niampungannu Mawu.”

YEREMIA 3:12

Mawu nandolo'u inai mamasingkattu olangnge indi su Israel: “Ei Israel apan mal᷊awangnga, pabbelengke ringang-Ku! I Ya'u napenen aakkanna wuṛṛu mangke sidutu massa'u si yamiu.

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

HOSEA 5:5

Awawungan balahannu Israel aasiloanna ringannu massemakka, wuṛṛu maola'a tialan pasasal᷊an mangitou. Rosan mangitou naaola'a si mangitou natara wuṛṛu nawal᷊atta, wuṛṛu walahannu Yehuda nanawo suadio'a lai ringanni mangitou.

HOSEA 6:6

i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

YUNUS 2:9

Arawe i ya'u sarun mangantarin manga daralo Si'o wuṛṛu i ya'u mangonggollu sasamba Si'o. Anambon paaire'u sarun ta'u olanna. Ete I'o Mawu apan mannal᷊amatta.”

ZAKARIA 3:4

Ne mala'ekatta udde nabbisarate su manga mangangimbe su surga, “Rammea'e laubba nallal᷊uhuranna apan ual᷊uṛṛe su taumata indi.” Wuṛṛu si Yosua i tou nabbisara, “Rosanu buatte ta'u niramme, i'o ta'u onggol᷊annu laubba wakku.”

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

LUKAS 11:13

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

ROMA 11:27

I Ya'u sarun mangonggolu paaire indi si mangitou su tempo i Ya'u mangampungnga manga rosan mangitou.”

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 10:4

ana waugu atonna ṛaṛṛan sapi wuṛṛu ṛaṛṛang kambinga esakka tawe maatubusa rosa.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.