HOSEA 13:7 - WUKE SUSI WATTI'U AL᷊AL᷊USASSA

⁷ Ana waugu udde i Ya'u sarun manametta si yamiu ere singa. Naal᷊ihidda macan tutul i Ya'u sarun mangampangnga si yamiu su lal᷊anna.

HOSEA 13:7 Iomraidhean Croise

AYUB 10:16

Amungkangngu i ya'u pia gessine, salaiwe tumba'u addio'a, I'o mangngenggenna si ya'u ere singa. Wuṛṛu I'o napal᷊iatta'u apia taṛṛino-Nu, tumba'u ipammata'utta si ya'u.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YEREMIA 25:38

Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

LAL᷊ALLU 3:10

Ere beruang i tou uaṛṛaddo, naal᷊ihidda singa i Tou nangampangnga si ya'u.

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

AMOS 3:4

Apa singa su mahurangnge mammassingnga, amungkangngu i tou taambe naasomba inassa? Apa ana'u singa mammasingnga sulal᷊ummu loṛṛangnge amungkangngu i tou taambe naasametta manga apa?

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.