HOSEA 13:3 - WUKE SUSI WATTI'U AL᷊AL᷊USASSA

³ Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

HOSEA 13:3 Iomraidhean Croise

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

AYUB 30:15

Atata'utta nangooppa waddangku; naal᷊ihidda anginna tinumiuppa, areggan baddangku malliudda; naal᷊ihidda winabbawa sinumabbi, nawul᷊ite lal᷊umanna'u.

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

DARALO 68:2

Ruata nabbuatta nanal᷊iawukku seen-Ne, taumata apan maddantinni Tou tinumal᷊anga wuassu saruan-Ne.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.