HOSEA 13:11 - WUKE SUSI WATTI'U AL᷊AL᷊USASSA

¹¹ Ringannu nasa'u i Ya'u nangonggollu ratu si yamiu, wuṛṛu ringannu maṛṛagissa i Ya'u nangul᷊e si mangitou apia.”

HOSEA 13:11 Iomraidhean Croise

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.

HOSEA 10:3

Tate mal᷊annu lai i mangitou sarun mabbisara, “I ite tawe datu ana waugu i ite tawe mata'uttu Mawu. Apa hunane sangkatou ratu si ite?”

HOSEA 10:7

Samaria sarun maṛṛimunsa'a wuṛṛu ratune sarun iapidda ere alu sampadi apan ia'elekku ua'e.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

HOSEA 8:4

Uma-U namile ratu ringannu tawe naddorongnga ṛingidda si Ya'u. I mangitou nanenegu piaṛṛa'a tawe niwal᷊o si Ya'u. I mangitou nanganu wul᷊awanna wuṛṛu sal᷊a'an mangitou wua'udde nallanginnu paal᷊uanna sassubbanna apan pangillul᷊eanne naola'a araṛṛimunsa'i mangitou sassane.

1 SAMUEL 10:17

Ne i Samuel namago tumana'u Israel tadea'u maammulla su Mizpa,

1 SAMUEL 10:19

I Ya'u buatte namallossi yamiu wuassu anambon asansara wuṛṛu asasusa, arawe orassa indi Ya'u, Ruatanu nitol᷊a'i yamiu, ana waugu i yamiu maddorongnga tadea'u i Ya'u mangonggollu sangkatou ratu si yamiu. Ne aroddite, paammulle su saruang-Ku, Mawunu, tumuṛṛuttu walahanna wuṛṛu ṛuangannu.’ ”

1 SAMUEL 12:1

Ana see i Samuel nabbisarate su anambon walahannu Israel, “I ya'u buatte nanuungngu anambon darorongngu wuṛṛu namile sangkatou ratu si yamiu.

1 SAMUEL 12:13

“Orassa indi, pa'ellege, ete i tou indi, ratu apan buatte nipilen kamiu udde. I yamiu buatte naddorongnga, wuṛṛu Mawu buatte nangonggolla si yamiu.

1 SAMUEL 15:26

Arawe i Samuel sinumimbakka, “I ya'u maddiri mabbelengnga suadio'a ringanni Tuangnga. I Tuangnga buatte nilumawangnga parentan Mawu, ne orassa indi i Tou tate manga'u si Tuangnga maola'a ratun Israel.”

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”