HOSEA 12:7 - WUKE SUSI WATTI'U AL᷊AL᷊USASSA

⁷ Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

HOSEA 12:7 Iomraidhean Croise

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

AMSAL 16:11

Mawu mappandumma taumata al᷊auanne matul᷊idda sulal᷊ummu mabbal᷊u'a, se'e lai sulal᷊ummu mappaattu aul᷊aanna wuṛṛu timbanganna.

YESAYA 3:5

Manga taumata sarun mapapangallangnga. Dario'a tate maddaringikka timmadde wuṛṛu taumata wiasa tate mandeengngu taumata pia pangkanne.

YESAYA 56:1

Mawu nabbisara su uman-Ne, “Pa'ola'e atatul᷊idda wuṛṛu apan uasul᷊ungngu tita-U. Ana waugu tal᷊ang kadio'a lai Ya'u rumanta manal᷊amatta si yamiu wuṛṛu atatul᷊i-U iapal᷊iatta'a.

YEHEZKIEL 16:3

Mawu Apan Atanggaṛṛanne nandolo'u niapapasingkattu tanata indi su Yerusalem, “Ei Yerusalem, i'o nasungkangnga su leta'u Kanaan. Iamangngu taumatan Amori wuṛṛu inangngu taumatan Het.

YEHEZKIEL 22:29

Manga taumata ala mammahia wuṛṛu mangngaṛṛo. I mangitou ma'ola'a taumata asiangnga ringannu walate apulu wuṛṛu mangnganu auntunganna wuassu taumata raho.

YEHEZKIEL 28:5

Atonna, i'o pande maddagangnga wuṛṛu orassa indi naalate, wuṛṛu pa'aalanu udde naaola'a si'o mawunga!’ ”

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

AMOS 2:7

I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

AMOS 3:9

Al᷊iata'e su anga taumata apan uatana'a su wal᷊en araratuannu Mesir wuṛṛu Asdod, “Paammulle su manga wowone maranin Samaria, wuṛṛu panutukke aal᷊iba'ukka apan wahewalla see pangangallangnga apan niola'a poiaroddi.”

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.

ZAKARIA 14:21

Anambon awali su Yerusalem wuṛṛu su ahewallu Yehuda sarun iṛṛae maola'a pussa'an Mawu Apan Lembontaṛṛino. Tumanangnge apan mangonggollu sasamba sarun mappaattu awali udde pallahanna ṛemessu sasamba. Napawe tempo udde nio'omante, tate lai mabbawal᷊u'a su Wal᷊en Mawu Apan Lembontaṛṛino.

ZAKARIA 5:8

Mala'ekatta udde nabbisara, “Wawine indi eteudde waneṛṛan al᷊al᷊eo.” Ana see wawine udde nitaddilla apia sulal᷊ummu sal᷊angka wuṛṛu niluuwannu sal᷊angka udde.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YOHANES 2:16

See i Tou nabbisara su mabawal᷊u'u manu'a merpati, “Pangingkatta wua isindi. Arie Wal᷊en Iamang-Ku maola'a tampam pabawal᷊u'anna!”

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”