HOSEA 12:6 - WUKE SUSI WATTI'U AL᷊AL᷊USASSA

⁶ Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

HOSEA 12:6 Iomraidhean Croise

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

DARALO 123:2

Naal᷊ihidda sangkatou allangnga apan uaantimma mawune, wuṛṛu sangkatou allangnga wawine su wo'i mawune, etearoddi i yami uaṛaddo Si'o, oh Mawu, Ruatan kami, ma'oman sara I'o umakkanni yami.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

YESAYA 1:16

Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 31:6

Mawu nabbisara, “Walahannu Israel, i yamiu buatte nilumawangnga si Ya'u wuṛṛu marosa su saruang-Ku. Arawe orassa indi, pabbelengke ringang-Ku!

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

YEREMIA 22:15

Paddaringikka, ei Ratu Yoyakim! Amungkangngu i'o mapararisikku wal᷊en araratuanna ringannu alu cemaran Libanon apan apianne, apa udde tatialane manungku i'o ratu apan apianne wuassu manga ratu waine? Naunge'o iamangngu: i Tou mabbiakka su lal᷊umanna'a wuṛṛu mahessi sulal᷊ummu al᷊awo'u pinitanne, ana waugu i tou sidutu matul᷊idda wuṛṛu tawe awusune see makkuungngu hatton taumata asiangnga ringannu atatul᷊idda. Atonna etearoddi ṛinone inolaannu taumata apan masingkattu Mawu.

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

AMOS 5:24

Mappianne, pattinsahadde tadea'u atatul᷊idda mangelekka ere ua'e, wuṛṛu apapia ere sal᷊ukka apan tawe umatti.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

ZAKARIA 1:3

Arawe orassa indi i Ya'u mabbisara si'o: Pabbelengke ringang-Ku, ne i Ya'u lai sarun mabbelengnga ringannu.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!