HOSEA 10:6 - WUKE SUSI WATTI'U AL᷊AL᷊USASSA

⁶ Paal᷊uanna udde sarun iapidda watukku Asyur tadea'u ionggolla su ratu mawantuga. Israel tinumantalongnga hol᷊aga apan naaola'a si mangitou naasomba asasili wuṛṛu lallobbosanna.

HOSEA 10:6 Iomraidhean Croise

2 MARARATU 17:3

I tou nipangaloanna wuṛṛu niawaddon Salmaneser ratun Asyur, na'oman sara suapan tonna i tou ṛinone mamaekka wose si tou.

AYUB 18:7

Lempangnge apan mapia nabbal᷊ite sussassendekka; ṛiinne sassane naatara si tou.

YESAYA 1:29

I mangitou sarun masili ana waugu massubba manga aaluanna wuṛṛu naṛṛaen manga wailla ionggolla su manga monganna.

YESAYA 30:3

Arawe ratu sarun mapasassilli mangitou wuṛṛu tul᷊unganna apan a'antimanna wuassu Mesir tawe mariaddi.

YESAYA 45:16

Anambon taumata apan mallanginnu paal᷊uanna sassubbanna; sarun pansilianna wuṛṛu al᷊uandahanna.

YEREMIA 48:13

Moab sarun sumassilla si Kamos, monganni mangitou, ere lai taumatan Israel sinumassilla su Betel apan iaasakki mangitou udde.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YEHEZKIEL 16:28

Arawe i'o taambe lai nawusa; ana waugu udde mangke mangngenggenna taumatan Asyur. I'o naola'a sumasandagi mangitou, arawe tawe lai maasomba awawusa wuassi mangitou.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

DANIEL 11:8

Sutempo udde i tou nabbelengnga watukku Mesir, i tou sarun mangapiddu paal᷊uannu mongannu seenne wuṛṛu saranapa wul᷊awanna wuṛṛu sal᷊a'a apan buatte nionggolla su monganna udde. Manga pira tonna al᷊annune i tou tate mamangalo ratun banua sawannakka.

HOSEA 4:19

Ana waugu udde i mangitou sarun mawul᷊i ere nitiuppu anginna. I mangitou sarun maasomba asasili ana waugu manga sasamba apan nionggoli mangitou su manga monganna.

HOSEA 4:7

Mallannu i yamiu aatambanna anambone, lembon marosa lai i yamiu si Ya'u, ei manga imam! Ana waugu udde olangnge sarun Tau wal᷊uanna: I yamiu sarun tate lai addatanna, ewe'e lallobbosanna.

HOSEA 5:13

Walahannu Israel wuṛṛu walahannu Yehuda naatutkka inolaanne apan dal᷊eo, ne Israel inaite watukku Asyur tadea'u maddorongnga sumbala su ratu wahewalla. Arawe i tou udde tawe ma'ontolla wuṛṛu mangapia ola'u pabbiaṛṛanni mangitou.

HOSEA 8:6

Sapi wul᷊awanna apan sassubbanna su Samaria udde lanna'u lima taumatan Israel! Udde wal᷊ine Ruata, wuṛṛu rinone rimunsaanna!

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”