HOSEA 10:5 - WUKE SUSI WATTI'U AL᷊AL᷊USASSA

⁵ Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

HOSEA 10:5 Iomraidhean Croise

2 MARARATU 10:29

Ana waugu udde, Mawu nabbisara arendi si Yehu, “Al᷊awo'u parenta-U si'o apan nipa'ola'a su papapulunni Ahab buatte niolangngu. Ana waugu udde i Ya'u maddiandi manungku papapulunnu ma'oman sara aiappatu ṛawanne sarun maola'a ratu su Israel.” Arawe i Yehu tawe ringannu ahewallu naungnge tuttuṛṛuta Titan Mawu, Ruatan Israel. I tou nangaṛṛussa inolaanni Yerobeam apan naarosa taumatan Israel ringannu massubba sapi wul᷊awanna apan niola'a su Betel wuṛṛu su Dan.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 23:5

I tou napaillol᷊o manga imam apan buatte nilenegu manga ratun Yehuda, mammanara sutampa pasasaubbanna monganna su manga soan Yehuda wuṛṛu maranin Yerusalem; ana see lai manga imam apan mangngonggolu sasamba si Baal, su matannallo, su wul᷊anna, su planet wuṛṛu su manga anumpitanna.

2 TAWARIKH 11:15

Yerobeam nanenegu manga imam apan hunane si tou sassane ipa'imbe su manga tampa pasasubbanna paal᷊uanna wuṛṛu ipassubba manga setanna see lai paal᷊uannu sapi apan nilanginne sassane.

2 TAWARIKH 13:8

Orassa indi yamiu massunna wotongnge mando'appa taṛṛino apan nionggolu Mawu su papapulunni Daud, ana waugu ammul᷊annu tantaranu manambo wuṛṛu i yamiu pia manga sapi wul᷊awanna apan ṛatanganni Yerobeam niola'a monganni yamiu.

YESAYA 46:2

Manga paal᷊uanna udde tawe matottolla mantul᷊ungngu mamamasanne, i mangitou sassane niapidda naola'a niatawanna. Eteudde panguddusanni mangitou.

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

HOSEA 5:8

Tiuppe trompetta su Gibea! Patuntungia'e tialan bawaggo mapapangalo su Rama! Pangikkuitte hahuressan pangalo su Betel! Wette taumatan Benyamin, inaite mapapangalo!

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

HOSEA 9:11

Awawantugu Israel sarun tumalla'a mawuli ere manu'u winalanganna; tatedau lai apan sarun pia illoṛṛo, wuṛṛu taweddu manga ana'a apan iasungkangnga.

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

ZEFANYA 1:4

I Ya'u sarun makkuumannu tumana'u Yerusalem wuṛṛu ahewallu Yehuda. Manga lamben pasasubbanna si Baal sarun Ta'u iapawul᷊i wuassu manga tampa udde. Manga iman apan mangngimbe si Baal sarun timbul᷊iananna atonna-tonna.

WATTI'U MANGA RASUL 19:27

Ma'ata'utta manungku manarang kite indi sarun maasomba aranna lal᷊eo. Wuṛṛu wal᷊ine tumba'u udde, ewe'e wal᷊en Monganni Artemis lai sarun tawe saileanna see al᷊aṛṛangnge mangke laṛṛindanna; sumbal᷊i i tou monganna apan sassubbannu anambon taumata su leta'u Asia wuṛṛu su ahewallu runia!”

YOSUA 7:2

Su tempo udde i Yosua nandolokku siri piran katou wuassu Yerikho watukku Ai, eteudde sambau soa su samba'a ra'in Betel, maranin Bet-Awen. Manga taumata udde nirolokka niapaparikissa wanua udde. Napawe i mangitou buatte na'ola'a manara udde,

MAL᷊AṚṚUUNGNGA 18:24

i Mikha sinumimbakka, “I yamiu nantal᷊angngu manga paal᷊uangku wuṛṛu imam, na'oman sara i ya'u tate apa-apa lai, ana see i yamiu mabbisara, ‘Pia apa!’ ”