HOSEA 10:14 - WUKE SUSI WATTI'U AL᷊AL᷊USASSA

¹⁴ ne tumanangngu sarun aṛṛiaannu pangalo, wuṛṛu anambon tanda'a watunu sarun ṛimunsaanna. Olangnge ere su allo i Ratu Salman nanggohakku soa Bet-Arbel sulal᷊ummu pangalo, wuṛṛu nangiladda manga wawine suadio'a ringannu al᷊aṛṛanangnge.

HOSEA 10:14 Iomraidhean Croise

PANDARIADDI 32:11

I ya'u sumal᷊ande ringannu atonna, liuaawe i ya'u wuassu iaangku i Esau. I ya'u matta'utta aṛṛengenne i tou rumanta mamangalo wuṛṛu mamate si yami sarangkanambone, see lai wawine wuṛṛu manga ana'a.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 17:3

I tou nipangaloanna wuṛṛu niawaddon Salmaneser ratun Asyur, na'oman sara suapan tonna i tou ṛinone mamaekka wose si tou.

2 MARARATU 18:33

Apa piate mongannu walahanna waine naasal᷊amatta wanuane kuasa'u ara'e taṛṛino'u?

YESAYA 17:3

Israel sarun awul᷊iannu pattillummanna wuṛṛu Damsyik awul᷊iannu awawebbasi mangitou. Taumatan Siria apan lambene sarun mabbisakka sulal᷊ummu asasusa ere taumatan Israel, i Ya'u, Mawu Apan Lembontaṛṛino nabbisara.”

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEREMIA 48:41

Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

HOSEA 10:15

Eteudde apan sarun mariaddi si yamiu, ei tumana'u Betel, ana waugu i yamiu buatte na'ola'a al᷊al᷊eo apan wahewalla. Sutempo matannallo sumabbangnga, tawe mal᷊annu napawe pangalo manattakke, ratunu sarun mate.”

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

AMOS 9:5

Runia niumio'a wuṛṛu tumanangnge massusa, ana waugu nieṛṛetannu Mawu Apan Atanggaṛṛanne wuṛṛu Lembontaṛṛino. Naal᷊ihidda Sal᷊ukku Nil mattingkulla see umeṛṛotta aroddi lai mangitou wua suma'e see manawo.

MIKHA 5:11

Manga pasangkaddu sarun Ta'u iapawul᷊i wuṛṛu anambon taṛṛa si'annu sarun Ta'u limbuaṛṛanna.

NAHUM 3:10

Salaiwe aroddi, tumana'u Tebe niatawanna wuṛṛu niṛṛuwo watukku pamamuanganna. Su anambon pappenganne, manga anangnge nipuulla na'oman sara nate. Manga tembonanne niṛṛapussu ṛate wuṛṛu nitahia sisai apan naasametta.

NAHUM 3:12

Al᷊awo'u tanda'a watunu sarun maola'a ere alu ara apan nabbelle'a wuṛṛu nal᷊ahate. Napewe alu udde iio'a, manga wuane sarun manawo sulal᷊ummu moṛṛongngu taumata apan mappulu umanna.

HABAKUK 1:10

I mangitou mangngal᷊uandaga manga ratu wuṛṛu lullagen manga mamanaran araratuanna atanggaṛṛanne. I mangitou mangngadio'a suapan tanda'a watu, ana see niombannu leta'a wua'udde niaṛṛo tanda'a watu udde.