HOSEA 10:13 - WUKE SUSI WATTI'U AL᷊AL᷊USASSA

¹³ Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

HOSEA 10:13 Iomraidhean Croise

AYUB 4:8

I ya'u naasingkatta wuassu aellega manungku taumata apan mammajeko waillu al᷊al᷊eo, wuṛṛu mangngasi'u wualannu asasilaka maola'a wualannu sasuanna, sarun mangitingnga silaka wuṛṛu asasusa!

DARALO 33:16

Ratu tawe maauntunga ana waugu manambo tantarane, tantara tawe maasal᷊amatta ana waugu atatohanne.

DARALO 52:7

Arawe i'o sarun pateannu Ruata sarangkal᷊o'engnge; i'o sametanna wuṛṛu wol᷊enganna wuassu wal᷊enu, wuṛṛu iapawul᷊i wuassu runian taumata wiakka.

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AMSAL 12:19

Awusu sarun asingkatanna ringannu sangkaṛṛondappa, arawe manga wisara atonna sidutu uatatana'a su al᷊o'engngu allo.

AMSAL 13:2

Wisaran taumata mapia mandantan auntunganna; taumata taṛṛa l᷊inga apulune su araṛṛagissa.

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

AMSAL 22:8

Taumata apan mangngasi'u linga sarun mangitingnga papate; panginsueanne taṛṛinone apan ipappaatta walate apulune sarun mawul᷊i.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 17:11

Arawe salaiwe sasuanna udde nasal᷊a nassolla wuṛṛu nabbantite su allo i'o nassuannu sasuanna udde, arawe tawe buane. Pia tumba'u asasusa wuṛṛu ṛadda'a apan tawe mawul᷊i.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

HOSEA 4:8

I yamiu nabbal᷊i ala ana waugu rosan uma-U, ana waugu udde i yamiu mappulu tadea'u i mangitou sidutu ma'ola'a rosa.

HOSEA 7:3

Mawu nabbisara, “Ringanu wawahia wuṛṛu inolaana apan dal᷊eo tumanangnge mattinsahadda malluassa naungngu ratu wuṛṛu manga temboanannu araratuanna.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

1 SAMUEL 24:14

I Tuangnga masingkattu sasanato'u al᷊amona indi, ‘al᷊al᷊eo tumba'u a'olaannu taumata lal᷊eo.’ Ana waugu udde allangngu tawe mandal᷊eo si Tuangnga.