HOSEA 10:12 - WUKE SUSI WATTI'U AL᷊AL᷊USASSA

¹² Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

HOSEA 10:12 Iomraidhean Croise

DARALO 105:4

Paddorongke atatohassa wuassi Tou, passubbate si Tou sidutu.

DARALO 72:6

Antimanna i tou ere uranna apan nangansalla su wadda'a, naal᷊ihidda uranna masassaga apan nangammo manga wawail᷊anna.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 45:8

Wuassu langitta i Ya'u nanossokku auntunganna ere uranna, runia namu'a watanganne ipanengkamma, ana see napatuwon asasal᷊amatta wuṛṛu apapallossa; i Ya'u Mawu apan na'ola'a udde nariaddi.”

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

YEHEZKIEL 34:26

I Ya'u sarun mangal᷊amatta si mangitou wuṛṛu mamala mangitou matana'a su maranin wui-U apan na'ukkassa. I mangitou sarun Ta'u onggol᷊annu uranna napawe i mangitou mappandumma.

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

AMOS 5:4

Mawu nabbisara su umattu Israel, “Pabbelengke ringang-Ku, ne i yamiu sarun mabbiakka.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

AMOS 5:8

Ete Mawu apan na'ola'a manga anumpitanna su winalanganna – anumpitanna Belantik wuṛṛu anumpitanna Kartika. I Tou namal᷊u ararandumma nabbal᷊i asasemakka wuṛṛu allo nabbal᷊i ṛabbi; ua'e wuassu tahal᷊oangnga nilal᷊in-Ne su ammaranne. Apan na'ola'a sarangkanambone udde aran-Ne eteudde Mawu.

LUKAS 13:24

“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta.

WATTI'U MANGA RASUL 2:18

Su manga allang-Ku lai – mawae esakka ara'e wawine –, sarun onggol᷊annu Ghaṛṛaho-U su allo udde. I mangitou sarun mamasingkattu inolaanna apan Ta'u iapaasingkatta si mangitou.

2 KORINTUS 9:10

Ruata apan nanaddia wualanna su mangangasi'a wuṛṛu pabbawiakki ite. I Tou lai sarun manaddia wuṛṛu mapaanambon hessine apan niasi'i yamiu tadea'u hessin apapian naungngu aatambanna lai.

YAKOBUS 3:18

Atonna apapia udde wuan bualannu padarame apan niasi'u taumata apan maapulun padarame!