HOSEA 10:11 - WUKE SUSI WATTI'U AL᷊AL᷊USASSA

¹¹ Dorone Israel ere sapi saṛṛen tumuwo apan nal᷊atite mapia, wuṛṛu apulane maṛṛinda gandumma. I Ya'u salaiwe tate mangandangngu pasanganna su wongkone apan mapia udde. Arawe orassa indi i Ya'u buatte nakkawessa tadea'u mamata'i mangitou mammanara mawakkatta. Yehuda Ta'u irolokka mamajeko, wuṛṛu Israel Ta'u irolokka manisiṛṛe.

HOSEA 10:11 Iomraidhean Croise

YESAYA 28:24

Sangkatou mabbawailla tawe sidutu mangke mammajeko, mammasolla wuṛṛu mannongkakku leta'a passuananna.

YEREMIA 28:14

Mawu Apan Lembontaṛṛino, Ruatan Israel, nabbisara manungku i Tou sarun mangandangngu pasanganna atta'a su pal᷊u'an al᷊awo'u walahanna indi, wuṛṛu i mangitou sarun massuṛṛubbawa si Nebukadnezar, ratun Babel. Mawu lai nabbisara manungku winatangnga mal᷊aṛṛaga lai sarun itantilla su taṛṛino Nebukadnezar.”

YEREMIA 46:20

Mesir ere ana'u sapi matawa, arawe nisal᷊asaannu lango wahewalla wuassu sawannakka.

YEREMIA 50:11

Mawu nabbisara, “Ei taumatan Babel, i yamiu mangngaṛṛo uma-U. I yamiu sussolo'u al᷊al᷊uassa ere awal᷊o manuntingi, wuṛṛu ere sapi apan tantal᷊anna u'anna.

HOSEA 11:4

Ringannu al᷊awo'u darangngu-U, i Tou Ta'u niundani ringang-Ku. Al᷊awo'u asasusane Ta'u niapaṛṛanna, wuṛṛu ringannu awawawon naungngi tou Ta'u nionggol᷊annu anna.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

HOSEA 3:1

Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

HOSEA 4:16

I yamiu, ei taumatan Israel, tumaniten tawe maddaringikka! Ereapa wotongnge i Ya'u mallu'adda si yamiu ere domba su wadda'u nannal᷊o?”

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

TAHIUL᷊E 25:4

Imbaṛṛangnga mangganggumma moṛṛongngu sapi apan tantal᷊anna sussappa gandumma.”