HAGAI 2:6 - WUKE SUSI WATTI'U AL᷊AL᷊USASSA

⁶ Sulal᷊ummu tempo apan mal᷊ihakka i Ya'u sarun mangio'u langitta wuṛṛu runia, ammaranne wuṛṛu tahal᷊oangnga.

HAGAI 2:6 Iomraidhean Croise

AYUB 9:6

Ruata nandiaddi linukka na'oman sara runia niumio'a, wuṛṛu diṛṛi uatumpilla runia niumal᷊ore,

DARALO 18:7

Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

DARALO 37:10

Taumata lal᷊eo sarun mawul᷊i ringannu mal᷊ihakka, amungkangu reaanna, i tou tate asombanganna.

YESAYA 10:25

Sulal᷊ummu tempo apan mal᷊ihakka asasa'u-U si yamiu sarun iillol᷊o, see i Ya'u sarun makkadda'a si mangitou.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 29:17

Pia sasanato'a apan tingikke arendi, “Tate mal᷊annu lai mahurangnge sarun maola'a pabbail᷊anna, wuṛṛu leta'a pabbail᷊anna apia maola'a mahurangnga.”

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

YEREMIA 33:14

Mawu nabbisara, “Sarun a'omanna tempone i Ya'u manipussu paaire apan buatte Ta'u niola'a ringannu Israel wuṛṛu Yehuda.

YEREMIA 51:33

Tate mal᷊annu lai i mangitou iawaddo wuṛṛu mangke ṛindannu seetta ere gandumma su tampa pallaṛṛindanna. I Ya'u, Mawu Apan Lembontaṛṛino, Ruatan Israel, buatte nabbisara.”

YEHEZKIEL 38:19

Wuṛṛu ringannu tumaniten nasa'u i Ya'u sarun mamansaga, manungku su allo udde pia linukka apan bahewalla su wanua Israel.

YEHEZKIEL 38:20

Anambon inassa wuṛṛu manu'u winalanganna, anambon binatangnga wahewalla wuṛṛu maradio'a, wuṛṛu anambon taumata su runia sarun mangngindon atata'utta sumaruanna si Ya'u. Manga wowone sarun matannekka, manga rampissa sarun moṛṛotta wuṛṛu anambon darandungnga sarun maṛṛa'a.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

WATTI'U MANGA RASUL 2:19

I Ya'u sarun ma'ola'a manga al᷊aṛṛindu'a roso su langitta, wuṛṛu inolaanna apan wahewalla su runia; sarun pia ṛaṛṛa wuṛṛu putungnga, sawudda wuṛṛu timbulla.

IBRANI 10:37

Ana waugu sulal᷊ummu Wuke Susi uaroṛṛetta, “Ete tal᷊ang kadio'a lai, ne i Tou apan sarun dumanta udde, sarun rumanta ringannu mal᷊ihakka; I Tou sarun tawe mangaddo mal᷊annu daranta-Ne.

SONDAPPA 11:9

Manga taumata wuassu anambon araratuanna, walahanna, wahasa sarun maasilo winal᷊unanni mangitou, tallu allo mattangnga al᷊annune, wuṛṛu tawe mamalam binal᷊unanna udde ilabbinga.