HAGAI 2:3 - WUKE SUSI WATTI'U AL᷊AL᷊USASSA

³ “Apa pia suwallatti yamiu apan ta'e maanaungnga aroddi awantuge Wal᷊e-U indi dorone? Orassa indi ereapa olangnge, tumuṛṛuttu addapannu? Wal᷊inewe mangke tawe maal᷊uassa naungnga?

HAGAI 2:3 Iomraidhean Croise

1 TAWARIKH 22:5

I Daud na'ola'a sarangkanambone udde ana waugu i tou maṛṛingidda arendi; “I ya'u ṛinone mandiahi saranapa apan pappandumanna ipandarisikku Wal᷊en Mawu. Ana waugu i Salomo parinsi-U ta'e dario'a wuṛṛu addio'a asingkanne, arawe Wal᷊en Mawu apan iapararisikke ṛinone apianne wuṛṛu tumelengnga su ahewallu runia.” Ne tantal᷊anna i Daud taambe nate, i tou nanaddia manambo atonna aola'u wangunanna.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

EZRA 3:12

Manambo suwallattu manga imam, manga taumatan Lewi wuṛṛu manga tembonannu wawosoanna apan timmaddete buatte naasilo Wal᷊en Mawu apan dorone. Sutempo i mangitou na'ellega pangangaddo rappakku Wal᷊en Mawu indi, i mangitou mangke nilumuai ma'ikka-ikkatta. Arawe manga taumata waine apan iaudde lai mangke huggion al᷊al᷊uassa,

YESAYA 64:10

Manga soa-Nu apan na'ukkassa naal᷊ihidda wadda'u anne, Yerusalem naola'a wadda'a maṛṛasa wuṛṛu mal᷊annabba.

YEHEZKIEL 7:20

Dorone i mangitou lulluassu permata apan maṛṛamaga, arawe ana waugu i mangitou mapaatta ipa'ola'a manga paal᷊uanna apan maarantinna, Mawu na'ola'a darotongngi mangitou udde nabbal᷊i sambau apan maata'utta.

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.