HAGAI 2:16 - WUKE SUSI WATTI'U AL᷊AL᷊USASSA

¹⁶ I yamiu inaite na'ellega ombon gandumma wuṛṛu massunna sarun maasomba 200 su kilone gandumma, arawe wutte'e tumba'u pia 100 su kilone. I yamiu inai mangabba 100 su literene anggore wuassu wowongngu anggore, arawe pia tumba'u 40 su literene.

HAGAI 2:16 Iomraidhean Croise

YESAYA 5:10

Hessin bawail᷊anna tawe maola'a, waillu anggore apan ahewalle mapul᷊o hektare tumba'u nangonggollu wuane mapul᷊o litere anggore. Maṛṛasutta su literene wualanna tumba'u nangonggollu wuane mapul᷊o litere gandumma.”

YEREMIA 48:33

Aikkuittu al᷊al᷊uassa nawul᷊ite su wanua Moab apan masuwukka. I Ya'u na'ola'a ua'en anggore naddo mangngelekka wuassu pamamakkannu anggore; tate lai taumata ma'ola'a anggore wuṛṛu maggion al᷊al᷊uassa.

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

HAGAI 2:15

Mawu nabbisara, “Annama'o, panutukka apa apan nariaddi tantal᷊anna taambe allo indi, eteudde tantal᷊anna Wal᷊e-U indi taambe niola'a apia! Ereapa olangnge sutempo udde?

HAGAI 2:17

I Ya'u buatte nanossokku anginna wuṛṛu urana watu ipakkimunsa'a al᷊awo'u wuan wawail᷊annu, arawe i yamiu maddiri lai mabbelengnga ringang-Ku.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.