HAGAI 1:12 - WUKE SUSI WATTI'U AL᷊AL᷊USASSA

¹² Wua'udde Zerubabel wuṛṛu Yosua see anambon umattu Israel buatte nabbelengnga wuassu pamamuanganna su Babel, tinumuṛṛutta manga wisaran Hagai, daroloṛṛannu Mawu udde. I mangitou tinumuṛṛuttaapa apan buatte niparentan Mawu si mangitou, ana waugu matta'uttu Mawu.

HAGAI 1:12 Iomraidhean Croise

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

EZRA 10:18

Eteindi arannu manga taumata apan pia awingnge wuassu walahannu raho: Manga Imam, nawoṛṛetta ringannu wawosoanne: Wawosoanni Yesua ringannu manga tuṛṛangnge, manga ana'i Yozadak: Maaseya, Eliezer, Yarib wuṛṛu Gedalya.

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

DARALO 112:1

Paddalote Mawu! Lal᷊umanna'a su taumata apan ma'imanna, apan sidutu maddaringikka manga parentan Mawu.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

HAGAI 1:1

Su tonna aruane i Ratu Darius uaparenta su Persia, su allo paarorone wul᷊ana iaannumme, Mawu nabbisara ringannu nappaatti Nabi Hagai. Tanatan Mawu udde iwuna'a si Zerubabel ana'i Sealtiel, gubernuren Yehuda, wuṛṛu su Imam Bahewa Yosua ana'i Yozadak.

HAGAI 1:14

Etearoddi Mawu nangal᷊oren naungngu Gubernure Zerubabel, Imam Bahewa Yosua see anambon taumata apan buatte nabbelengnga wuassu pamamuanganna, tadea'u i mangitou sarangkanambone mammanara mabbangunna Wal᷊en Mawu Apan Lembontaṛṛino, Ruatan mangitou.

HAGAI 2:2

Mawu nandolokki Hagai mabbisara si Gubernure Zerubabel, Imam Bahewa Yosua, see tumanangnge iapapasingkattu tanata indi,

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

TAHIUL᷊E 31:12

Doloṛṛa'e manga esakka, wawine wuṛṛu al᷊aṛṛana'a ana see lai taumata raho apan uatana'a su manga soanu ma'ammulla wuṛṛu maddaringikka pabbawawasa udde, tadea'u i mangitou masingkatta mangaddata Mawu Ruatanu wuṛṛu matammudda tuttuṛṛutta manga parenta-Ne.

TAHIUL᷊E 31:13

Ringannu olangnge aroddi manga al᷊aṛṛanangngu apan taambe naaringikka titan Mawu Ruatanu wotongnge maaringikka wuṛṛu masingkatta mangaddata Mawu su al᷊o'engngu i mangitou mabbiakka su wanua apan tate mal᷊annu lai atanaanni yamiu su samba'an Sal᷊ukku Yordan.”

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.