HABAKUK 3:16 - WUKE SUSI WATTI'U AL᷊AL᷊USASSA

¹⁶ Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

HABAKUK 3:16 Iomraidhean Croise

AYUB 30:17

Sutempo ṛabbi anambon duṛṛi'u huggiadda; hiadda apan mataddu'a tawe illol᷊one.

AYUB 30:30

Pisin baddangngu nabbal᷊i ma'itumma; waddangku natutungngu sal᷊ihamma.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

AMSAL 12:4

Awingnga apan mapia eteudde al᷊al᷊uassa wuṛṛu lal᷊umanna'u awingnge esakka, awingnga apan mammansili awingnge esakka naal᷊ihidda radda'a maṛṛenessa duṛṛi.

AMSAL 14:30

Naungnga matammudda maapia wadangnga; mangngune uddewe naal᷊ihidda radda'a apan maapate.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

YEREMIA 23:9

Eteindi tanata'u su ola'u manga nabi: Naungku napussa'a wuṛṛu i ya'u mangngiladda. Mawu wuṛṛu wisara-Ne apan na'ukkassa naaola'a si ya'u ere taumata wu'anna apan tumanite manambo na'inumma anggore.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

LAL᷊ALLU 1:13

Wuassu langitta i Tou nanossokku putungnga apan manoṛṛoba sara lal᷊ummu naungku. I Tou nantaingngu sedda su saruangku na'oman sara i ya'u nul᷊ussa. Ana see niwala-Ne i ya'u sassane uatataṛṛangnga su al᷊o'engngu allo.

LAL᷊ALLU 1:20

O, Mawu! Ellehewe i ya'u, naungku sussinggawanga wuṛṛu uasongkakka, naṛṛimunsa'a ana waugu al᷊al᷊eo'u dorone. Su manga lal᷊anna pia pamamate, sulal᷊ummu wal᷊en pia papate.

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

DANIEL 10:8

I ya'u nitantanga isudde sassane, lapidu mannutukka aellega apan maatiangnga udde. I ya'u nallomete wuṛṛu hati'u namikkassa.

DANIEL 10:9

Sutempo i ya'u naaringikka tingikke, nawantingke i ya'u na'oman sara nirumaram manga su leta'a.

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”