HABAKUK 2:7 - WUKE SUSI WATTI'U AL᷊AL᷊USASSA

⁷ Arawe ringannu tawe niapendamannu, i'o apan buatte namaddon taumata waine, sarun mabbalassalai wuṛṛu iwata'a mamaekka wangane. Manga seenu sarun dumanta wuṛṛu ma'ola'a si'o matta'utta. I mangitou sarunmangaṛṛo darotongngu!

HABAKUK 2:7 Iomraidhean Croise

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

MANNANASE 10:8

Isai naal᷊i loṛṛangnga, sarun mawontolla sulal᷊umme; isai manggohakku darandungnga sarun iiannu atoanna mawisa.

YESAYA 11:13

Araratuannu Israel tate lai aurangannu naungnga su Yehuda, wuṛṛu Yehuda tate lai masseettu Israel.

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YEREMIA 8:17

“Pa'inunute!” wisara Mawu. “Orassa indi Ya'u mandolokku manga atoanna su pattangnganni yamiu iapai'i si yamiu, atoanna mawisa apan tawe awotongannu daroa.”

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.