HABAKUK 1:9 - WUKE SUSI WATTI'U AL᷊AL᷊USASSA

⁹ Tantarane mammangalo mappaamattu araṛṛagissa, anambon taumata matta'utta naasilo darantan mangitou. Tawananni mangitou tawe iareengnga anambone.

HABAKUK 1:9 Iomraidhean Croise

PANDARIADDI 41:49

Gandumma apan niammuli tou udde aroddi anambone na'oman sara i Yusuf nangillol᷊o mangnguukka, ana waugu anambone naal᷊ihidda anne su winggin tahal᷊oangnga.

2 MARARATU 12:17

Sutempo udde i Hazael ratun Siria namangalo wuṛṛu namanua su soa Gat. Ana see i tou piate pandumma inai lai mamangalo Yerusalem.

AYUB 29:18

Antimangku eteudde maal᷊al᷊appa uukka apan matanggakka, wuṛṛu mate ringannu matammudda su wal᷊e'u sassane.

DARALO 139:18

Napawe ta'u ireengnga, mannamboanna wuassu anne; napawe i ya'u mapo'u, I'o lai ta'e ta'u iraṛingidda.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 4:11

Tempone sarun dumanta taumatan Yehuda wuṛṛu tumana'u Yerusalem maasomba watti'a manungku anginna mal᷊oso wuassu wadda'u anne sarun tumiuppa watukku ringanni mangitou. Anginna udde wal᷊ine anginna wiasa apan tumba'u ma'atalla'u wal᷊a'a,

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEHEZKIEL 17:10

Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

DANIEL 11:17

Wua'udde ratun banua sawannakka sarun mandiahi tantarane ipamangalo wanua timukka. Ana see ringannu pandumanna manganu ahewallu araratuannu seene, i tou sarun makkiinnu paaire ringanni i tou wuṛṛu mangawingu anangnge maṛṛualane ringannu ratun Mesir udde; arawe ṛiinne udde tawe gessine.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

HABAKUK 1:17

Tawe mariaddi i mangitou sidutu uasawutta hel᷊elene wuṛṛu mamate manga walahanna, ringannu tawe ampungnge?

HABAKUK 1:6

Walahanna Babel apan dal᷊eo wuṛṛu maṛṛagissa udde sarun Ta'u olaanna walahanna apan uataṛṛino. I mangitou mabbarissa sumabbangnga wuassu wanuane wuṛṛu mamal᷊intaddu ahewallu runia tadea'u mamaddon manga walahanna waine.

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

MAL᷊AṚṚUUNGNGA 7:12

Taumatan Midian, Amalek wuṛṛu manga taumata waine wuassu wadda'u anne, uasal᷊iawukka su al᷊awo'u tampa su wawal᷊anne udde. Aellehanna naal᷊ihidda saṛampalanna apan uaammula. Manga untan mangitou tumanite manambo naal᷊ihidda anne su winggin sahatta.