HABAKUK 1:8 - WUKE SUSI WATTI'U AL᷊AL᷊USASSA

⁸ Awal᷊o mallihaṛṛanna wuassu macan tutul, wuṛṛu maṛṛagisanna wuassu serigala apan mal᷊unussa. Tantaran awal᷊onne nirumanta wuassu manga wanua marau; i mangitou nirumanta naahil᷊idda asiaṛṛe apan nangapatta inanne.

HABAKUK 1:8 Iomraidhean Croise

AYUB 9:26

Naal᷊ihidda saalanna sussassakka, wia'u malliudda ringannu mal᷊ihakka, al᷊ihakke naal᷊ihidda asiaṛṛe monto'a, mangametta wiakke.

YESAYA 11:14

I mangitou suadio'a sarun mamangalo taumatan Filistin su waṛṛatta wuṛṛu mangaṛṛo pabbawalage su ra'i. I mangitou sarun mamaddon walahannu Edom wuṛṛu Moab, wuṛṛu walahannu Amon sarun massuṛṛubbawa si mangitou.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YEREMIA 48:40

Mawu nabbisara, “Naal᷊ihidda manu'a asiaṛṛe mangngametta papaidda uasiappakka, aroddi lai sambau araratuanna sarun dumanta wuṛṛu mangametta Moab.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

YEREMIA 50:42

Ahiddi mangitou anaanna wuṛṛu tambakka; i mangitou maṛṛagissa wuṛṛu wagga mangampungnga. Ere tingikku tahal᷊oangnga mattandi'a aroddi lai tingikku lempangngu awal᷊o i mangitou apan tantal᷊anna sassasanna inai mamangalo Babel.

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

YEHEZKIEL 17:12

“Iwal᷊oite su manga lumal᷊awanga udde, apa i mangitou maasunna atappasannu sasumandinga udde. Wal᷊oa'a si mangitou manungku ratun Babel buatte nirumanta su Yerusalem, wuṛṛu naṛṛootta ratun Yehuda see manga mamanaran soa udde watukku Babel.

YEHEZKIEL 26:11

Tantara uasa'e awal᷊o udde sarun mangampangnga su manga lal᷊annu wuṛṛu mamate tumanangngu ringannu hal᷊ele mangitou. Manga tugunu apan maṛṛansanga wuṛṛu matohassa sarun iapaaṛṛa'a.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

NAHUM 2:5

Manga tembonannu tantara niwagoanna inai; i mangitou mangke masokka matara sutempo mammangalo. Nasasaṛṛawutta i mangitou mattuddan darandungngu soa, ahidda ipanggohakka ringannu mal᷊ihakka.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

MATIUS 24:28

Suapa pia winatangnga nate, isudde lai pia manu'a u'inassa winal᷊unannu winatangnga nate udde.”

LUKAS 17:37

Mallal᷊aṛṛenggennu Mawu Yesus naiwal᷊o, “Suapa udde sarun mariaddi, Mawu?” Mawu Yesus sinumimbakka, “Suapa pia winal᷊unanna, isudde pia manu'a u'inassa winal᷊unanna udde.”

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.