HABAKUK 1:13 - WUKE SUSI WATTI'U AL᷊AL᷊USASSA

¹³ Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

HABAKUK 1:13 Iomraidhean Croise

2 SAMUEL 4:11

Lembon awakkatanne lai ṛuumanna apan sarun ta'u iema'a su taumata lal᷊eo apan buatte namate taumata tawe sal᷊ane wuṛṛu tantal᷊anna mattiilla su wal᷊ene sassane! Orassa indi ya'u mabbal᷊issa si'o su ola'u pamamate udde, wuṛṛu manginsue si yamiu wuassu wowon dunia indi!”

1 MARARATU 2:32

Mawu sarun makkuumanni tou ana waugu pamamate apan buatte niolangnge ringannu awaganannu iamangku. I Abner tembonannu tantaran Israel, wuṛṛu i Amasa tembonannu tantaran Yehuda, itarua tawe sal᷊ane. Itarua mappianne wuassi Yoab sassane, arawe i tou namate sitarua.

ESTER 4:14

Taumatan Yahudi sarun maasomba aontolla ringannu manambo lal᷊anne na'oman sara i mangitou masal᷊amatta. Arawe amungkangngu i'o sidutu mal᷊annabba sulal᷊ummu olangnge ereindi, i'o sassane sarun mate wuṛṛu amonannu iamangngu sarun masue wattinge. Isai masingkatta, asinungka sutempo ereindi i'o buatte nipile maola'a wo'i!”

AYUB 15:15

Ewe'e lai su mala'ekatta Ruata tawe mangimanna; su aellegu Ruata i mangitou tawe na'ukkassa.

AYUB 21:7

Anio taumata lal᷊eo nionggol᷊annu Ruata uukka mal᷊o'engnga, wuṛṛu darotongngi mangitou sidutu aatambanna?

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.

DARALO 10:15

Paddite taṛṛinon taumata lal᷊eo wuṛṛu mal᷊awangnga; ṛuumana'e i mangitou ana waugu inolaanne ma'oman sara i mangitou mawal᷊u.

DARALO 18:26

Mawu, I'o mallu'adda su taumata apan matuṛṛutta wuṛṛu mapia su taumata apan mapia.

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

DARALO 35:17

Ma'oman sara tingngera, oh Mawu, ma'oman sara tingngera I'o tumba'u ma'ellega? Sal᷊amatewe i ya'u wuassu pangalon mangitou, liuaawe i ya'u wuassu manga singa udde.

DARALO 35:22

Arawe I'o, Mawu, naasilote; ariewe mangintammuda, oh Mawu, ariewe pangindau wuassi ya'u.

DARALO 35:25

Ariewe pabbala'a i mangitou mabbisara sulal᷊ummu naungnga, “Adiangkamanna, i ite buatte nanginsue niawane. Apulun kite niawatu'ante!”

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

DARALO 50:3

Ruatan kite nirumanta wuṛṛu tawe uatatana'a matammuda, i Tou niliuṛṛoroannu putunga apan nilumewa, wuṛṛu papal᷊iwutannu tandi'a apan masaddata.

DARALO 73:3

ana waugu naungku lal᷊eo su taumata mawunga, sutempo i ya'u naasilo aauntungannu taumata lal᷊eo.

DARALO 83:1

Daralon Asaf: sambua antari.

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 64:12

I'o ma'ellega sarangkanambone udde, oh Mawu, ṛatadde I'o tumba'u mal᷊annabba? Apa I'o sarun mamalan kami tumaniten uatataṛṛanga mawakkatta?

LAL᷊ALLU 3:36

ana waugu atatul᷊idda niwal᷊elongnga, Mawu sarun maasingkatta wuṛṛu uatantannudda.

HABAKUK 1:14

Anio taumata sassunnan-Nu ere inassa su tahal᷊oangnga, wuṛṛu ere haṛṛammissa apan tawe piaṛṛangnge?

ZAKARIA 8:17

Imbaṛṛangnga manggol᷊agu al᷊al᷊eo su saruannu sansul᷊ungngu. Imbaṛṛangnga massalu awusu. I ya'u maddantinnu wawahia wuṛṛu pallal᷊inga see lai araṛṛagissa.”

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

TAHIUL᷊E 23:15

“Amungkangngu sangkatou allangnga nassal᷊iu nanantangngu mawune ana see rumanta ringanni yamiu maiontolla, arie mandollokki tou iapapul᷊e.