HABAKUK 1:12 - WUKE SUSI WATTI'U AL᷊AL᷊USASSA

¹² Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

HABAKUK 1:12 Iomraidhean Croise

PANDARIADDI 21:33

Ana see i Abraham nassuannu sangkalu alu tamariska su Bersyeba wuṛṛu nanattakka orassa udde tampa udde nipaatti tou maola'a pasasubanna Mawu, Ruata sarangkal᷊o'engnge.

2 MARARATU 19:25

Apa i'o taambe naaringikka manungku sarangkanambone udde buatte Ta'u nihol᷊aga ro'en paarorone? Wuṛṛu orassa indi Ya'u buatte na'ola'a. Ete i Ya'u apan nagonggolu taṛṛino si'o ipakkimunsa'a manga soa pia tatandange watu ete nallambe manga tuidde.

DARALO 102:24

Mawu namaddi atatoha'u sutempo i ya'u ta'e dario'a, wuṛṛu uukka si ya'u niautta.

DARALO 118:17

I ya'u natete, arawe sidutu wiakka tadea'u mamasingkattu manaran Mawu.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 17:13

Pabbuatte, oh Mawu, ro'apete see'u wuṛṛu waddo'e i mangitou. Sal᷊amatewe i ya'u ringannu hal᷊ele-Nu su saruannu pangalon taumata lal᷊eo.

DARALO 18:1

Su piaṛṛa'u mangangantari. Daralon Daud, allangu Mawu. Niantari ipaddalo Mawu sutempo i Daud nipallosa wuassi Saul wuṛṛu wuassu manga seenne.

DARALO 74:12

Ro'en panattaṛṛanne tumba'u I'o ratu'u, oh Ruata, tumba'u I'o apan nanal᷊amatta si yami.

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

DARALO 93:2

Araratuan-Nu matohassa ro'en paarorone, ro'en al᷊amonane I'o uddete.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 37:26

Apa i'o taambe naaringikka manungku sarangkanambone udde buatte Ta'u niṛṛiinna ro'en dorone? Ne orassa indi Ya'u mappaamatta. Ete i Ya'u apan nangonggolla si'o taṛṛino ipakkimunsa'a manga soa pia tanda batune naola'a manga tuidda.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

YESAYA 43:15

Ete i Ya'u Mawu, Ruatanu apan na'ukkassa, Ratunu, apan nandiaddi si'o, ei Israel!”

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YEREMIA 30:11

I Ya'u sarun dumanta wuṛṛu i yamiu Ta'u iapaasal᷊amatta. Manga walahanna, su tampa i yamiu Ta'u nisal᷊iawukka sarangkanambone sarun Ta'u pateanna, arawe i yamiu tawe Ta'u olaanna aroddi. Atonna i yamiu tawe maal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 4:27

Mawu nabbisara manungku ahewallu runia sarun maoala'a wadda'u anne, arawe i Tou tawe manggohakka abbi.)

YEREMIA 46:28

Nariaddi ariete mata'utta, ei uma-U, i Ya'u sarun dumanta manal᷊amatta si yamiu. Manga walahanna, su tampa i yamiu Ta'u nisal᷊iawukka, sarangkanambone Ta'u pateanna, arawe i yamiu tawe Ta'u olaanna aroddi. Atonna i yamiu tawe mal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 5:18

Mawu nabbisara, “Salaiwe aroddi, sutempo udde lai uma-U tawe Ta'u pateanna.

LAL᷊ALLU 5:19

Arawe I'o, oh Mawu, sidutu uataṛṛino, I'o mammarenta saran mal᷊annu-l᷊annu.

YEHEZKIEL 30:25

Atonna, ratu Mesir sarun Ta'u iapaal᷊ome, arawe ratun Babel sarun Ta'u tohasanna. Napawe i Ya'u mangonggollu hal᷊ele-U si tou, wuṛṛu i tou mamatte watukku Mesir, i mangitou sarun maasingkatta manungku ete i Ya'u Mawu.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.

WATTI'U MANGA RASUL 3:14

I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

1 SAMUEL 2:2

Taweddu apan susi ere Mawu! Tumba'u i Tou apan wotongnge manillumma.