FILIPI 4:9 - WUKE SUSI WATTI'U AL᷊AL᷊USASSA

⁹ Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

FILIPI 4:9 Iomraidhean Croise

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 7:21

“Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

LUKAS 6:46

“Anio i yamiu mammago si Ya'u, ‘Mawu, Mawu,’ arawe tawe tumuṛṛutta apa iwabbisara-U si yamiu?

LUKAS 8:21

Arawe Mawu Yesus nabbisara si mangitou, “Manga taumata apan madaringikka wisara Ruata wuṛṛu tuttuṛṛutta, ete i mangitou udde inang-Ku wuṛṛu manga tuṛṛang-Ku.”

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

YOHANES 2:5

Arawe inangngu Mawu Yesus nabbisara su mangangimbe, “Tuṛṛutte apa apan irolokki Tou si yamiu.”

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

ROMA 15:33

Antimanna Ruata, apan nangonggolu paddarame su taumata, uatana'a ringanni yamiu sarangkanambone. Amin.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

1 KORINTUS 4:16

Ana waugu udde i ya'u sumal᷊ande si yamiu tadea'u i yamiu mattanno tulada'u.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

TAHIUL᷊E 5:1

I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.

FILIPI 3:17

Manga tuṛṛangnga sarangkanambone! Pattannote tul᷊ada'u. I yami suete nangonggolu tul᷊ada apan naṛṛino, ana waugu udde paatutuṛṛe paapia-pia manga taumata apan mattanno tul᷊adan kami udde.

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

2 TESALONIKA 3:4

Wuṛṛu i yami mangngimanna atonna su Mawu su ola'i yamiu, manungku i yamiu tantal᷊anna mammanara wuṛṛu siddutu mammanara apa apan iradolokki yami si yamiu.

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

1 YOHANES 3:22

Wuṛṛu apa apan radoronganni ite wuassi Tou, i ite sarun maasomba, ana waugu i ite tuttuṛṛuta manga parenta-Ne wuṛṛu ma'ola'a apa apan maal᷊uassa naung-Nge.